Mateyu 16:17 - Mawu a Mulluku

¹⁷ Nave Yesu ahaakhulla wi, “Tti oodalisiwa weyaano, Simoni mwaana a Yona vawi khe muthu uupullullalle ddawoonanndda wa weyaano koma Attiitthaaka ooddullu.

Mateyu 16:17 ပူးပေါင်းရင်းမြစ်များ

Yohane 6:45

Anamallotella yaalemba wi, ‘Arive muthu aneerohuddihiwa ni Mulluku.’ Muthu oyo iiwalle wa Attiitthaaka nave ahuddera wa alliwaayo, annawa wa miyaano.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

Agalatiya 1:16

aamuupullulla mwanaye wa miyaano wi kaallalleyelle athu ayo ehiri Ayuda othenga waphaama wa olliye. Nave ngaayiille wa arive muthu wi akilleelle ezeru.

1 Akorinto 15:50

Eyo kinaakeemi, asinnaka ni arokoraka, tti yawi yawoopiwa ni mwiilli ni nikhame khewora waakhella omwene wa Mulluku nave yoomalla khewora waakhella yoohimalla.

Aefeso 3:5

Khalle yoovittheya yeella kheyaadduwellihiwe wa athu koma vano Mulluku ohuupullulla wa amurummwa ni anamallotellaaye aweella oweella mwa Munepa.

Yesaya 54:13

Anaawo attheene eneerohuddihiwa ni mi Apwiya, kineerewaadalisa ni waavaha murendelle munchichi.

1 Yohane 4:15

Muthu aakhullella wi Yesu tti Mwaana a Mulluku, annakhalla mu eyaattano ni Mulluku nave Mulluku annakhalla mu eyaattano ni olliyooyo.

1 Petro 5:1

Miyaano, muttekweene, kinaaveka attekweene a mipingo ddanyu. Mi tti mboni a ohoosiwa wa Khrisitu nave kineerewaakhellana ntitimiho nno nnuupullulliwe. Kinuuvekani wi

Aefeso 2:8

Vawi mwaavullusiwa ekaamba ya echisomo oweella mu echikhulupililo. Khehiyo ekaamba ya ollipihella wanyu koma tti emphaso ya Mulluku.

Yohane 1:42

Eerille ddiiddo aamukusella Simoni wa Yesu. Yesu aamuweha allota wi, “We tti Simoni, mwaana a Yohane koma oneeroromolliwa Kefa.” (Petro ottaphullella nlluku.)

Aheberi 2:14

Vawi anamwanaayo tti athu a mwiilli ni nikhame, Yesu mwaneenaaye aawa akhalla wonanko alliwa akawanana omuthwiiwa. Aheera ddenndda wi mwa okhwa waye amoononge Satana oyo arina masiva oowiiha okhwa,

Aefeso 6:12

Vawi khaninawana ni athu koma ninawana ni minepa ddoonanara, oolamulella ni masiva a epiphi ddooddullu.

Luka 22:32

Koma miyaano kohuuvekella weyaano Simoni wi echikhulupilwaawo ehimalle. Nave warukunuwa murima, waallipiheke murima ookhulupilila akhwaawaalla.”