35 Yesu aalamulella mullokooyo wi okeraatthi vatthi.
Yesu ahaalleella oohudderaaye wi, “Akeraatthiheni athu vatthi. Nave wenko waakhalla manasi manchichi. Sika athu attheene yaakeraatthi vatthi. Vaari allopwana 5,000.”
Yesu ahaakoha wi, “Murina mitthi dda buledi mikavi?” Yahaakhulla wi, “Mitthi mitthanu ni miilli ni ehomba dding'onong'ono ddooyeva.”
Vano aakusa mitthi dda buledi mitthanu ni miillinnddo ni ehombanndde avekella omuthokoza Mulluku, amumeyameya buledooyo. Vano aawinnya oohudderaaye wi emuvelleelle wa athwaayo.
