Mateyu 15:24 - Mawu a Mulluku

²⁴ Vano Yesu ahaakhulla wi, “Mi kaarumihiwa wa Aisraeleve ayo eri wonanko enkhosa ddoohollowa.”

Mateyu 15:24 ပူးပေါင်းရင်းမြစ်များ

Aroma 15:8

Vawi kinimuulleellani wi Khrisitu aari oorumeyella a Ayuda osimikizella wi Mulluku tti oororomelleya wi ddikwakhwane nnddo alonjezilleeye ni makhollwiiwa

Mitteko 13:46

Koma Paulo ni Baranaba yaallota moollipa murima wi, “Waari woophwanella wi mawu a Mulluku ellotiwe wa nyuwaano vawaamba. Ekaamba yawi mohaakhoota, mohooniha wi khamunaphwanella okumi woohimalla, nineerewuuhiyani niye wa athu ayo ehiri Ayuda.

Ezekiele 34:23

Kineerewakeraatthihella mbusa mmodda, oorumeyellaaka Davide. Olliye sika anaaddipwathe nave aneerokhalla mbusiiwa.

Yesaya 53:6

Attheene naahollowa wonanko enkhosa, arive muthu mwa hi eetella ddaaye, koma Apwiya yaamureya olliye machimwaahu.

Mateyu 9:36

Yesu oonille mulloko wa athoolle, ahaamorella ethakaraka kaambiiwa athwaalle yaari ookhupanya ni oorama nikavihero wonanko enkhosa ddoohikhalla ni mbusa.

Ezekiele 34:16

Kineeroddaashaasha ddaweeteeta kineeroddihokollosa ddoohollowa, kineeroddimaka makhwatiiwa ddoophoreya, kineeroddillipiha ddoofooka koma kineeroddoononga ddooneneva ni ddamasiva. Kineeroddichiha enkhosa ddaka mwa echilungamo.”

Mateyu 15:23

Koma Yesu khaamwaakhullalle naari vang'ono. Oohudderaaye yaaphiya wa olliye emuveka wi, “Mumulleelle avenyevo kaambiiwa animanyakulla vatulli vahu.”