Mateyu 15:19 - Mawu a Mulluku

¹⁹ Vawi m'murimani munnavenyera maganizo oonanara, wiipha, oraruwa, wiiya, omboni wawoottha ni oweerella amodda epewe.

Mateyu 15:19 ပူးပေါင်းရင်းမြစ်များ

Yeremiya 17:9

“Murima wa muthu tti woolleka okhwaranya ddeko ddittheddene. Tti woonanara moohichiriheya, ttaani anaawore owiiwesesa?

Miyambo 4:23

Wehera murimaawo okhwaranya ddittheddene oriiwena vawi okumaawo okonne mwemmo.

Genesis 6:5

Apwiya vawoonani wi athu a va ellapo yavatthi aananara mwawoopiha navettho wi mirima ddiwa tti ddooddalla ni maganizo oonanara,

Yeremiya 4:14

We Yerusalemu, venyihamo ddoonanara m'murimani mwawommo wi ovulluwe. Ethiyo onaakhalleve ni maganizo oonanara ophiyera niini?

Mitteko 8:22

Vano ohiye ddeko ddoonanaranndda nave ovekelle wa Apwiya wi yuukhululukelle maganizwaawo oonanara.

Yesaya 59:7

Enathamakella weera ddoonanara, khenaselliha owiipha athu oohilakwa. Maganizwiiwa mattheene enakhalla va ddoonanara, orive weko enayiiwa ennatthollosa ni woononga.

Yesaya 55:7

Oonanara ehiye makhallellwiiwa oonanara, oohilungama ehiye maganizwiiwa oohilungama. Ehokollweelle wa Apwiya, wi alliwa eweerelle echifundo. Ehokollweelle wa Mullukwaahu wi alliwa yaakhululukellesese machimwiiwa mwawoollowa murima.

Miyambo 6:14

Erive enthawi anaganiza dda ekuku ni ddoonanara nave annavirellella waambiha ddoohoosa.

Masalimo 119:113

Kinniitanana a mirima miilli, koma kinnakonda mawaanyu.

Aroma 7:18

Vawi kinnadduwella wi yaphaama khenakhalla mwa miyaano, muthu. Vawi naari kaapaallaka weera yaphaama, nginawora weera.

Mateyu 9:4

Koma Yesu aadduwella maganizwiiwa sika ahaakoha wi, “Kaambiiwa tini munaganizeenyu ddeko ddoonanarannddo?

Genesis 8:21

Apwiya yiiwalliiwa nthuko nawaaddivella yaallota wi, “Ngiwa kitembelelattho ellapo kaambiiwa koodduwella wi m'murimani mwa muthu tti moonanara ovenyera enamwanaaye. Ngiwa koonongattho erive ello yookumi wonanko mmo keerenlleemi.

Miyambo 24:9

Maganizo ookarangeya tti nichimo nave muthu oovevulla annaananara athu.

Miyambo 22:15

Okarangeya onnakona m'murimani mwa mwaana koma ekopo yoomullakella eneerovenyihamo.

Numeri 22:29

Balamu ahaakhulla wi, “Kaambiiwa onnakittheelliha! Kaariki ni nsupada kaamawiipha!”

Mateyu 5:28

Koma miyaano kinuulleellani wi, arive muthu anamuweha mutthiyana navettho anamupaalla, ooraruwana khalle m'murimani mwaye.

Mateyu 15:20

Ddenndda sika ddinamuripiha muthu. Koma ocha muhinawille m'mattani khonamuripiha muthu.”