Mateyu 15:17 - Mawu a Mulluku

¹⁷ Khamunadduwella wi erive ello yoovollowa muwano enaya m'mirimani nave vano ennakhuma etathilliwa?

Mateyu 15:17 ပူးပေါင်းရင်းမြစ်များ

Luka 6:45

Muthu aphaama anakhumiha ddeko ddaphaama ovenyera m'murimani mwaye koma muthu oonanara anakhumiha ddeko ddoonanara ovenyera m'murimani mwaye. Vawi eyano enallota ddeko ddiddanlle m'murimani mwa muthu.”

1 Akorinto 6:13

Athu amodda ennallota wi, “Ddoocha tti ddooya m'mirimani nave m'mirimani tti mwawaakhella ddoocha.” Ddawoona koma Mulluku aneerewoononga ddeko piilli ddenndda. Mwiilli khe waweerana ddooraruwa koma tti woowaarumeyellana Apwiya nave Apwiya sika enavaha ddoopaalleya dda mwiilli.

Yakobo 3:6

Sika nllumi niri wonanko munllo. Nllumittho nookhalla ni masiva oonanara, ninakhalla m'mwiillini mwahu ni oripiha mwiilli muttheene. Ninnakhariha munllo mookumaahu muttheene waambeella oyariwa ophiyera okhwa nave ninnavalla munllo o gehena.

2 Mamwene 10:27

Sika yaakumulla nifano na Baala ni enyumbaaye eyitthattusa nddalla ophiyera ollello.

Mateyu 15:16

Yesu aallota wi, “Nanyeenettho khamuniiwesesave?

Mateyu 15:18

Nave mawu ookhuma muwano mwa muthu enavenyera m'murimani, alla sika enamuripiha.

Mariko 7:19

Kaambiiwa khenavollowa m'murimani koma enavollowa m'mwiillini nave ennakhuma etathilliwa?” Voollotani ddenndda, Yesu aakamulla wi ddoochiwa ddittheddene ddichiweke.