Mateyu 15:14 - Mawu a Mulluku

¹⁴ Muhaapwatheke! Yaayo tti oohoollella oohoona owaahoollella akhwiiwa oohoona. Vano oohoollella oohoona amuhoollella oohoona mukhwaaye, eelli attheene eneeromorihellana munllitini.”

Mateyu 15:14 ပူးပေါင်းရင်းမြစ်များ

Luka 6:39

Nave Yesu ahaalleella niphwanaphwaniho nawi, “Muthu oohoona khanamuhoollella oohoona mukhwaaye vawi eneeromorihellana munllitini.

Yesaya 56:10

Alliwa enallota wi, “Oohoollella attheene a Israele tti oohoona, attheenaayo khenna ezeru. Tti wonanko anapwa ookarangeya, oohiwora wuuwa koma enakhallella olloha, okonaatthi ni oddivelliwa ekhove.

Malaki 2:8

Koma vano nyu allupa mukutho moohiya ettilla yawoona. Ehuddihwaanyu yohaakwakwatuwiha anchichi. Moonanariha echipangano kakeraatthihalleemi ni Levi. Mi Apwiya Amasiva Mattheene koollota.

Yesaya 9:16

Vawi ayo enaahoollella athwaalla sika enaahollosa nave oohoollelliwaayo ennarimeella.

2 Petro 2:1

Anamallotella awoottha yahooneya khalle variyari va athu nave emoddamoddave yeeyo ahuddihi awoottha eneerewooneya variyari vanyu. Mwawiitta eneerowaana ehuddiho ddawoononga. Nave eneerewaakhoota Apwiya ayo yaakullalle nave vaweerani ddiiddo eneerowaana woonongeya wawaakuva vaweekhiiwa.

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Yesaya 42:19

Ttaani ari oohoona koma ari oorumeyellaaka? Ttaani ari oohiiwa koma ari amithengaka kinamurumeemi? Ttaani ari oohoona koma kakeraatthihana echipangano? Ttaani ari oohiiwa koma tti oorumeyella a Apwiya?

Yawuupullulla 22:15

Koma otte wa muzindooyo wookhalla anapwa, ayo eri athu aweera ddookhwiri, ddooraruwa ni ddawiipha, ayo enallapella nifano nave ayo eri awoottha mu mawu ni m'mittekoni ddiwa.

Yawuupullulla 19:20

Enama yuullupalli yawoopiheeyo yaaphariwa vamodda ni namallotella awoottha oyo enre ddoottikhiniha vamiitthoni vaye. (Waari weera ddoottikhiniha wenko aallekilleeyena ayo yadindiwe echidindo ya enama yawoopiha yuullupalli ni ayo yallapenlle nifano na enameeyo.) Enama yuullupalli yawoopiha ni anamallotella awoottha yaavokhelliwa eri akumi mu enyanja ya mallumi amunllo ni sulufure.

2 Petro 2:17

Athu yaalla tti wonanko neetuutu oohikhalla ni maaddi navettho wonanko mirapo ddooweetihiwa ni ephevo yuullupalli. Mulluku oohaasungella nipuro niwa mu epiphi yooripesesa.

1 Timoteo 6:5

ni okangana woohimalla variyari va athu oohikhalla ni ezeru apaalle yawoona. Alliwaayo eneesa wi omutitimiha Mulluku sika ettilla yoophwanyella eyuuma.

Hoseya 4:17

Athu a o Efuremu aapataana ni mafano, ddayiwa ddennddo.

Yeremiya 8:12

Ethiyo yaaweeraka ddoonanara, ennawulliwa muru? Iyaayi, khenawulliwa muru naari vang'ono, khanadduwella naari omoriha ekhove vatthi. Nave sika ekaambiiwa eneerewiikuha wonanko amodda yiikuhelliiwa khalle. Eneerotthollowa va nllapo nno kinaallakeemi. Mi Apwiya koollota.

Yeremiya 6:15

Ethiyo yaaweeraka ddoonanara, ennawulliwa muru? Iyaayi, khenawulliwa muru naari vang'ono, khanadduwella naari omoriha ekhove vatthi. Nave sika ekaambiiwa eneerewiikuha wonanko amodda yiikuhelliiwa khalle. Eneerotthollowa va nllapo nno kinaallakeemi. Mi Apwiya koollota.”

Yesaya 31:3

Aiguputo khe milluku koma alliwa tti athu oonanara. Akavalwiiwa khe minepa koma tti enama shisha. Apwiya yattaphurusa nnatta niwa, ookavihera eneerokwakwatuwa nave ookaviheriwa eneeromora nave attheenaayo enaamallelle nimodda.

Yohane 9:39

Yesu aallota wi, “Kaawa mu ellapo yavattheella wi keeruze wi ayo ehinoona yoone nave ayo enoona ekhalle oohoona.”