Mateyu 14:9 - Mawu a Mulluku

⁹ Vano Herode aamoriwa ethakaraka koma ekaamba yawi aallupella vamiitthoni va alletwaaye attheene, aalamula wi yoopaallaaye avahiwe.

Mateyu 14:9 ပူးပေါင်းရင်းမြစ်များ

Luka 13:32

Yesu ahaalleella wi, “Khaweni mwamulleelle khatwe, Herode wi kinaakhumihe minepa ddoonanara ni waachiriha athu ollello ni osiisello nave omuroto kineeromalliha muttekwaaka.

Mariko 6:26

Vano mwenooyo aamoriwa ethakaraka koma khaapanlle omuwatteelliha mwaanooyo kaambiiwa aallupella vamiitthoni va alletwaaye.

Mariko 6:20

Vawi Herode nayeene aanamoova Yohane nave aamusunga wi ahiiphiwe kaambiiwa aanadduwella wi Yohane tti muthu oolungama ni aweella murima. Herode aamwiiwellellaka Yohane allotaka, aanahalleelliwa wuullupalli komattho enthawi yeeyo aanahakallalla.

Mariko 6:14

Vano Herode* ahiiwa ddittheddenenndda kaambiiwa epilli ya Yesu yaavuwa virive veko. Athu amodda yaanallota wi, “Yohane Oobatiza oovenya wa ookhwa! Ekaamba ya yeella annawora weera ddoottikhiniha.”

Mateyu 14:5

Sika Herode aanapaalla omwiipha Yohanooyo koma awoova athu kaambiiwa alliwaayo yamweera namallotella.

Mateyu 14:1

Enthawi yeeyo Herode,* oolamulella a o Galileya, ahiiwa dda epilli ya Yesu.

Oollalleya 5:2

Ohinaakuvaka ollota ni ollupella wa Mulluku m'murimani mwawo. Vallethi Mulluku ari oddullu, weyaano ori vatthimva. Vano mawaawo ekhalleke ooyeva.

1 Samuele 28:10

Koma Saulo aamulonjeza mutthiyanoolle moollupella wi, “Kinimallupella vamiitthoni va Apwiya wi, khollakiwa ekaamba ya ddenndda.”

1 Samuele 25:22

Kinimallupella wi voophiyani ohinase kinaakhalle kiwiiphalle allopwana attheene mwa athu attheene ariiyena. Mulluku akillake kaaheera yeella.”

1 Samuele 14:28

Vano mmodda a athwaayo aallota wi, “Attiitthaanyu aanoopopiha voollupellani wi, ‘Atembeleliwe oyo anaache ello ollello.’ Ella sika ekaambiiwa athwaalla enahalliiwa vang'ono okhwa ni ettalla.”

1 Samuele 14:24

Koma akhoto Aisraele yaahoowa nllapo nenno vawi Saulo aawoopopiha voollotani wi, “Atembeleliwe muthu oyo anaache ohinasikuwe nave kihinamallihe waahokollosella ddoonanara adanaaka.” Khaavo naari mmodda allawihalle yoocha.

Oweeruza 21:1

Aisraele yaari ellupenlle o Mizipa wi, “Khaavo naari mmodda a hiyaano oyo anaamwaakhullelle mwanaye aamutthiyana wi atthelliwe ni Abenjamini.”

Oweeruza 11:39

Miyeri miillinndde ddimanlle aahokollweella wa attiitthinnya nave yaamweerella moollikana ni mmo yallupenlliiwa wa Apwiya. Nave namwallooyo aakhwa ahinakoneke ni mullopwana. Vano ella yaatthattuwa makhallello a athu a mu ellapo ya Aisraele,

Yeremiya 44:25

Apwiya Amasiva Mattheene, Mulluku a Israele, enallota wi nyuwaano ni awarinyu mwaallupella ni vayanoni vanyu nave mwaheera ni mattaanyu. Nave mwaalonjeza wi muneereweera nnddo mwallupenlleenyu, omoosella lubani mwene aamutthiyana ooddullu ni omuheraatthella mikutho ddaddoowirya. Iyaayi, ddaphaama! Simikizani lonjezano nanyu ni weera nnddo mwallupenlleenyu.

Mateyu 14:8

Vano moorumiwa ni amennya, aaveka wi, “Mukivahe vaava muru wa Yohane ori mumbaleni!”

Mateyu 14:10

Sika aalamula wi Yohane aphaddiwe muru mundende.