Mateyu 14:6 - Mawu a Mulluku

⁶ Va nllapo nawuupuwella oyariwa wa Herode, olliyoolla aahakallallana mwaana aamutthiyana a Herodiyasi kaambiiwa ahinna vahoollo va athu attheene.

Mateyu 14:6 ပူးပေါင်းရင်းမြစ်များ

Genesis 40:20

Viviralle mallapo mararu, vaakhalla machellello oohakallallella nllapo nooyariwa Farao nave Farao ahiithaniha enduna ddaye ddittheddene. Aamukhumiha mundendeni oovelleella vinyoolle vamoddattho ni oomwaapeya buledoolle. Eellaalle aawiimesa vamiitthoni va enduna ddayenndde.

Mariko 6:17

Vawi khalle, Herode aalamula wi Yohane amakiwe nave yammaka emuhiya mundende. Aheera ddenndda kaambiiwa aamutthella Herodiyasi naari aari mwaara a mwanamunne Filipo.*

Mateyu 22:24

“Ahuddihi, Mose aarihina muthu akhwa ahinna anamwani mwanamunne amutthelle mutthiyana oohiyiwooyo wi amuyarelle anamwani ookhooyo.

Luka 3:19

Navettho aamuhumullulla Herode, oolamulella kaambiiwa aamutthella Herodiyasi, mwaara a mwanamunne ni weera ddeko ddimodda ddinchichi ddoonanara.

Mariko 6:19

Sika Herodiyasi aamwiita Yohane nave aapaalla omwiipha koma khaari ni mpata woweerella ddenndda.

Estere 2:18

Vano mwene aakeraatthiha machellello uullupalli a attekweenaaye attheene ni allupa muttekwaaye. Machellellwaalla yaari oomuvaha olemu Estere. Mwene aawiithuuwihattho athu okhoma musonkho mu ezigawo ddaye ddittheddene navettho aavelleella emphaso mwa mahalla moollikana ni mwene.

Mateyu 14:3

Vawi khalle, Herode aalamula wi Yohane amakiwe nave yammaka emuhiya mundende. Aheera ddenndda ekaamba ya Herodiyasi, mwaara a mwanamunne, Filipo.*

Mateyu 14:7

Sika aamusimikizella wi, “Kinimallupella wi erive ello onaakivekeewe kineerewuuvaha!”

Mariko 6:14

Vano Herode* ahiiwa ddittheddenenndda kaambiiwa epilli ya Yesu yaavuwa virive veko. Athu amodda yaanallota wi, “Yohane Oobatiza oovenya wa ookhwa! Ekaamba ya yeella annawora weera ddoottikhiniha.”

Mariko 8:15

Yesu aallota wa alliwaayo wi, “Muchenjere wunchichi ni yisiti a Afarisi ni a Herode.”*

Luka 3:1

Waari muyakha wa khumi ni mitthanu wa olamulella wa Kaisara* Tiberiyo, o Roma. Enthawi yeeyo Pontio Pilato aari oolamulella a o echigawo ya Yudeya. Herode* aari oolamulella a o echigawo ya Galileya nave mwanamunne Filipo* aari oolamulella a o echigawo ya Itureya ni ya Trakoniti. Lusaniya aari oolamulella a o echigawo ya Abilene.

Luka 8:3

Yoana, mwaariye a Kuza kapitawo a oophara mutteko mu enyumba ya Herode* ni Suzana ni atthiyana amodda anchichi yaamurumeyella Yesu ni oohudderaaye ni eyuumiiwa.

Luka 13:31

Enthawi yeeyo Afarisi* amodda yaawa wa Yesu ellota wi, “Muvenyewo wuno muye waamodda wene kaambiiwa Herode* anapaalla awiipheni.”

Luka 23:7

Vano iiwalleeye wi Yesu anavenyera o echigawo yoolamulelliwa ni Herode,* aamurumiha wa Herode, oyo enthawi yooyo aari o Yerusalemu.

Luka 23:11

Vano Herode ni akhotwaaye yaamweerella ni omullotella epewe Yesu. Yaamuwariha mukanjo woomwene, emuhokollosella wa Pilato.

Mitteko 4:27

Vawi tti ddawoona wi mwene Herode* ni oolamulella Pontio Pilato yaatthukumana m'muzindani mulle ni athu oohimullapella Mulluku navettho athu a o Israele ollipana ni Yesu, oorumeyellaanyu aweella, oyo mwamuzozilleenyu wi akhalle Mesiya.

Mitteko 12:1

Enthawi yeeyo mwene Herode ahaamba waahoosa athu amodda a mpingo.