Mateyu 14:31 - Mawu a Mulluku

³¹ Enthawi yeeyo Yesu ahookolla nnatta naye amuphara amulleella wi, “We muthu eechikhulupililo yooyeva! Kaambiiwa tini wakayikeewe?”

Mateyu 14:31 ပူးပေါင်းရင်းမြစ်များ

Masalimo 138:7

Naari keete variyari va ddookatamiha, nyu, munnasunga okumaaka. Munnattaphurusa nnatta nanyu waahiiha adanaaka oosha murima, nnattanatta nanyu ninnakivullusa.

Mateyu 8:26

Yesu ahaakhulla wi, “Munoova ekaamba ya tini? Nyu athu eechikhulupililo yooyeva.” Vano aavenya asimwella ephevweeyo ni maaddaayo nave waakhalla okhurumuwa wuullupalli.

Genesis 22:14

Nipuronno Abrahamu aanivaha nnddina nawi, “Mulluku annavaha.” Sika ophiyera ollello vineeriwa “Vamwaangoni wa Apwiya ennavaha.”

Mateyu 17:20

Yesu ahaakhulla wi, “Tti ekaamba yawi echikhulupilwaanyu tti yooyeva. Ddawoona, kinimuulleellani wi mwakhalla ni echikhulupililo yooyeva wonanko mmiddo wa masitadi, ttuuwora ollota wa mwaango wi, ‘Susavo mva oye valle!’ Mwaangooyo oneerosusa. Kheyiivo enaalepheliwe weeriwa ni nyuwaano.”

Mariko 5:41

Aamuphara nnatta naye allota wi, “Talitha, kumi!” (Ottaphullella wi, namwalli we, kinallota wa weyaano wi ovenye.)

Mariko 1:31

Vano aaya yaariiwamvo aaphara nnatta niwa, ahaakavihera wi yiimelle nave yaachirihiwa. Vano yahaarumeyella ni ddoocha.

Mateyu 16:8

Yesu aadduwella yallotiiwa, sika ahaakoha wi, “Munatakhellana ddoohikhalla ni buledi kaambiiwa tini? Nyu athu eechikhulupililo yooyeva!

Yesaya 63:12

Ethiyo ttaani oyo eerille ddeko ddoottikhiniha ni masivaaye muullupalli oweella mwa Mose? Ahaakawa maaddi a mu enyanja athwaaye yoonaka wi nnddina naye nititimihiwe wa enthawi yoohimalla.”

Mitteko 4:30

Onihani masivaanyu wi ochiriha, ezizindikiro ni ddoottikhiniha ddeeriwe mu nnddina na oorumeyellaanyu aweella, Yesu.”

Luka 24:34

Oohudderaayo yaallota wi, “Ddawoona, Apwiya aavenyihiwa wa ookhwa! Simoni oowoona!”

Mariko 16:7

Vano khaweni mwaalleelle oohudderaaye vamodda ni Petro wi, ‘Ari muhoollo mwanyu oya o Galileya. Muneeromoona wenko moollikana ni mmo allotilleeye ni nyuwaano.’ ”

Mariko 11:23

Ddawoona, kinimuulleellani wi muthu ahiikayikellaka yeekha m'murimani mwaye koma anakhulupilila wi eyo allotilleeye eneereweereya nave allota wa mwaangoolla wi, ‘Venya wiivokhelle weekha mu enyanja,’ eneereweereya.

Mariko 1:41

Yesu aamoriwa ethakaraka nave ahookolla nnatta naye, amuttannya, allota wi, “Kinnapaalla, ellihiwa!”

Mateyu 6:30

Mulluku sika anareeriha manasi a muhakani ayo enakhallavo ollellove koma osiisello enavokhiwa viikho. Nyu athu eechikhulupililo yooyeva! Olliyoolla khawora wuuwarihani nyuwaano?

Deuteronomo 32:36

Apwiya eneerewaavullusa athwiiwa, eneeroweerella echifundo oorumeyelliiwa, vawoonani omalla wa masiviiwa wi khevihanlle muthu, kaporo apaalle oohikhalla kaporo.

1 Timoteo 2:8

Kinapaalla wi allopwana evekelleke m'mapuroni muttheene ni owelliha muddullu matta aweella moohivaanyihana apaalle moohikangana.

1 Petro 1:5

Yaayo tti aanyu, ayo enasungiwa ni masiva a Mulluku oweella mu echikhulupililo wi mwaakhelle ovullusa nko onatiyera wi wuupullulliwe va enthawi yoomallihella.

Mateyu 14:30

Koma oonilleeye ephevo ya masiva ahoova nave aapwina m'maaddini mulle. Aakhuwa wi, “Apwiya, kivulluseni!”

Mateyu 14:32

Nave yawenllewa mukallawanimmo, ephevweeyo yaamaalla.

Mariko 4:40

Nave Yesu aallota wa oohudderaaye wi, “Kaambiiwa tini munooveenyu? Khamunnave echikhulupililo?”