Mateyu 14:20 - Mawu a Mulluku

²⁰ Attheenaayo yaacha evona. Nave oohudderaayo yaatotella ddoohalla eddalliha mitaanga khumi ni miilli.

Mateyu 14:20 ပူးပေါင်းရင်းမြစ်များ

Eksodo 16:12

“Kohiiwa okhupanya wa Aisraele. Nave alleelle wi, ‘Misikuwa muneerekoocha enama nave ohinase muneerekomucha buledi ookwakhwanella, sika muneerodduwella wi mi tti Apwiya Mullukwaanyu.’ ”

Eksodo 16:8

Nave Mose aallota wi, “Tti Apwiya ayo enuuvaheni misikuwa enama yawi muche nave ohinase buledi awi muvone, ekaamba yawi ahiiwa okhupanya wanyu ottheene woomuvaanyiha. Hiyaano niri aani? Okhupanya wanyu khemunakhupanyella wa hiyaano koma wa Apwiya.”

Luka 9:17

Attheene yaacha evona nave oohuddera yaatotella ddoohalla ddooddalla mitaanga khumi ni miilli.

Luka 1:53

Athu oohoowa ohaakwakhwanihella ni ddeko ddaphaama, nave athu eeyuuma ahaahokollosa ahaavahille ello.

Levitiko 26:26

Kineeromuyeviha buledaanyu a nllapo ni nllapo ophiyera atthiyana khumi eneerekomwaapeya buledi mu ufuni mmodda. Nave eneerewuukawellani buledooyo vang'ono vang'ono. Sika muneerekoocha koma woohivona.

Yohane 6:7

Filipo ahaakhulla wi, “Naari makobiri manchichi khekwakhwanella omukulla buledi awi arive muthu amuche naari vang'ono.”

Mateyu 15:33

Oohudderaaye yaamukoha wi, “Tti wuuwi ohakani wuno nineereehu naphwanyewo yoocha yawi nichihe mulloko wa athu yoolla?”

Mateyu 5:6

Oodalisiwa tti ayo enavolliwa ettalla ni nthona noopaalla weera echilungamo, vawi Mulluku aneerewakwakhwanihella ddoopaalla ddiwa!

Hagai 1:6

Moomidda ddinchichi koma muhatille ddooyeva. Ocha munnacha koma khamunavona. Munnawirya koma nthona khaninamalla. Munnawara koma khamuniiwa oviha. Mallivello a allupa mutteko enaakhellella mu nthumba noophovowa.

Miyambo 13:25

Oolungama annacha anavona koma erukullu ya oochimwa eneerovolliwa.

Mateyu 14:21

Allopwana ayo yaachille yaari 5,000, ohiweerenga atthiyana ni anamwani.