Mateyu 13:33 - Mawu a Mulluku

³³ Yesu ahaalleellattho niphwanaphwaniho nimodda wi, “Omwene wa Mulluku tti wonanko yisiti oyo mutthiyana aamuttakanyihereeye ni othu wa tirigu munchichi ophiyera waafufuma muttheene.”

Mateyu 13:33 ပူးပေါင်းရင်းမြစ်များ

Agalatiya 5:9

Athu ennallota wi, “Yisiti ooyeva annamufufumiha buledi muttheene.”

Luka 13:21

Tti wonanko yisiti oyo mutthiyana aamuttakanyihereeye ni othu wa tirigu munchichi ophiyera waafufuma muttheene.”

Miyambo 4:18

Koma ettilla ya athu oolungama tti wonanko owala wa ohinase nko onaanjerereya vang'ono vang'ono ophiyera otthaana.

Hoseya 6:3

Hankoni nillipihelle waadduwella Apwiya. Eneeronihokollweella wonanko waayaaka ni osa, owa wiwa onaakhalle madaliso wonanko murimu, murimwiine ntthokollapallaka oyo anoollowiha ethaya.

Yobu 17:9

Komave oolungama ennumellella ettilliiwa, oohilakwa ennallipihella okhalla aweella.

Genesis 18:6

Abrahamu aathamakella omusasani waye nave aamulleella Sara wi, “Okuse mwawaakuva etthello ddiraru dda othu waphaama, owoottowe nave omwaapeye buledi.”

2 Petro 3:18

Koma muvirellelle wunnuwa mu echisomo ni odduwella dda Apwiya ni Oovullusa Yesu Khrisitu. Ntitimiho nikhalle ni olliye, Ollello ni enthawi yoohimalla! Amen.

Afilipi 1:9

Kinavekella wi echikondaanyu evirellelle wunnuwa mwa ezeru ni wiiwesesa,

Afilipi 1:6

Nave kinimasimikiza wi Mulluku, oyo aambille mutteko waphaama yoolla mwa nyuwaano, aneerovirellella ophara ophiyera akuthullalle va Nllapo na owa wa Khrisitu Yesu.

Yohane 15:2

Alliwa ennuuha erive enthambi ya miyaano ehinimma ezipaso nave ennaphaddera erive enthambi eyo eniimma ezipaso wi yimme ezipaso ddawaata.

Mariko 13:20

Nave Apwiya yahaayevihalleke mallapwaayo, khaavo naari muthu mmodda aavulluwe. Koma ekaamba ya athwiiwa ootthoolliwa, eneerewaayeviha mallapwaayo.

Mateyu 13:24

Yesu ahaalleella niphwanaphwaniho nimodda. Aallota wi, “Omwene wa Mulluku tti wonanko mwaneena a nibanja oyo aamiddalle mmiddo waphaama m'matani mwaye.

Oweeruza 6:19

Vano Gideoni aavollowa mpa mwaye, amwiipha musaanaapuri, amwaapeya buledi oohikhalla ni yisiti a othu woollemella makilogaramu khumi. Enameeyo aayihella munidenguni nave ephwaddiiwa aayihella mwiipallini, awaana ddittheddene nnddo addivelleella wa olliye vatthi va muteekho wa muthundoolle.

1 Samuele 1:24

Amuhiihalle waamwa Hana ni mamune yaamukusa eyaana onyumbani ya Apwiya o Shilo naari aari mung'onong'ono. Yaamukusa nankhoro eeng'ombe a miyakha miraru, othu makilogaramu khumi ni nthumba na nttapara nooddalla ni vinyo.

2 Samuele 13:6

Sika Aminoni aakonaatthi anakhalla wonanko animavoriiwa. Mwenoolle awiilleeye wi amoone, Aminonooyo aamulleella wi, “Kinimuuvekani mumwaakhullelle murokoraka Tamara awe akikhozelle yoocha koonaka nave kiyichelle m'mattani mwaye.”