Mateyu 13:24 - Mawu a Mulluku

²⁴ Yesu ahaalleella niphwanaphwaniho nimodda. Aallota wi, “Omwene wa Mulluku tti wonanko mwaneena a nibanja oyo aamiddalle mmiddo waphaama m'matani mwaye.

Mateyu 13:24 ပူးပေါင်းရင်းမြစ်များ

Mateyu 25:1

“Va enthawi yeeyo omwene wa Mulluku onaakhalle wonanko ddiidda: Waakhalla anamwalli khumi ayo yakusalle enyali ddiwa dda makhura eya wookumana ni ootthella.

Mateyu 20:1

“Omwene wa Mulluku tti wonanko niphwanaphwaniho nna. Waakhalla mwaneena a emata oyo akhumalle ohinase wi aalembe allupa mutteko oollima emataaye ya ezipaso ddampesa.

Mateyu 13:47

“Omwene wa Mulluku orittho wonanko nthavi nno navokhiwe mu enyanja ni ophara ehomba dda mitundu ddittheddene.

Mateyu 22:2

“Omwene wa Mulluku tti wonanko niphwanaphwaniho nna. Waakhalla mwene mmodda oyo amukhozenre mwanaye aamullopwana machellello a okwati.

Mateyu 13:37

Yesu ahaakhulla wi, “Muthu aamiddalle mmiddo waphaamoolle tti mi Mwaana a Muthu;

Luka 13:20

Yesu aallotattho wi, “Omwene wa Mulluku kinawuuphwanaphwanihe ni tini?

Luka 13:18

Yesu ahaakoha wi, “Omwene wa Mulluku tti wonanko tini? Nave omwenooyo kinawuuphwanaphwanihe ni tini?

Mateyu 13:33

Yesu ahaalleellattho niphwanaphwaniho nimodda wi, “Omwene wa Mulluku tti wonanko yisiti oyo mutthiyana aamuttakanyihereeye ni othu wa tirigu munchichi ophiyera waafufuma muttheene.”

1 Petro 1:23

Vawi oweella mwa mawu a Mulluku Ookumi ni oohimalla, mooyariwa wiilli wonanko anamwani a nikhollo noohikhwa ohiri nookhwa.

Mateyu 13:31

Yesu ahaalleella niphwanaphwaniho nimodda wi, “Omwene wa Mulluku tti wonanko mmiddo wa muteekho wa masitadi oyo muthu awumiddalleeye m'matani mwaye.

Mateyu 18:23

Sika omwene wa Mulluku tti wonanko niphwanaphwaniho nna. Vaakhalla mwene mmodda oyo apaallille wi eerengelle ekongoli dda allupa muttekwaaye.

Mateyu 13:19

Athu attheene eniiwa othenga wa omwene koma kheniiwesesa, tti wonanko mmiddo wamorenlle muttilla. Oonanarooyo, annawa awaakha othenga woomiddiwa m'murimani mwiwa.

Mateyu 3:2

Allalleya wi, “Rukunuwani murima kaambiiwa omwene wa Mulluku wohaatamella!”

Mateyu 21:33

Yesu aallota wi, “Iwani niphwanaphwaniho nimodda. Waakhalla mwaneena a emata aallimalle emataaye ya ezipaso ddampesa. Aamaka mpanda moowaapheella emateeyo, aasema nlliti moovotellamo ezipaso ddampesa, aamaka nttattha nookeraatthivo yaaweheraka emateeyo. Vano aapolleyiha emateeyo wa athu oollima nave olliye avenyavo aya o ellapo emodda.

Mateyu 4:23

Yesu aheeteeta mu Galileya mutthemwene ahuddihaka mu enyumba ddamavekello* ni ollalleya othenga waphaama wa omwene navettho waachiriha athu oovoriiwa ereta ddittheddene ni ddoovoreya ddittheddene.

Akolose 1:5

Nndda ddiri ddiidda kaambiiwa munatiyerella ddeko nnddo ddisungiwe oddullu. Vawi mwahiiwa dda nndda mvo yawoona, eyo tti othenga waphaama, wallalleyiwiiwa wa nyuwaano.

Ezekiele 17:2

“We mwaana a muthu, waallotelle mwambi Aisraele ni waalleella niphwanaphwaniho nawi

Yesaya 28:13

Ekaamba ya yeella Apwiya eneerekewuuhuddihani vang'ono vang'ono, lemba nimoddanimodda, muzere mmoddammodda, ehuddiho emoddeemodda wi mukhumuwe vaweeta. Muneerophoreya, muneeromakiwa m'musamphani nave eneerewuukusani wuukaporoni.

Yesaya 28:10

Vawi anneesa onihuddiha vang'ono vang'ono, lemba nimodda nimodda, muzere mmodda mmodda, ehuddiho emodda emodda nave mvo a vang'ono mvo vang'ono.”

Mateyu 13:25

Koma mahiiyu amodda arive muthu akonaka mudanaaye aaya m'matani mulle, ammidda nansongole variyari va tirigooyo nave aathawa.