Mateyu 13:22 - Mawu a Mulluku

²² Mmiddo wamorenlle variyari va miiwa onaphwanaphwana ni athu ayo eniiwa othenga. Koma kaambiiwa ennaviheeriwa ni dda va ellapo ni okonda eyuuma, othengooyo onnakhuneelliwa sika khoniimma ezipaso.

Mateyu 13:22 ပူးပေါင်းရင်းမြစ်များ

1 Timoteo 6:17

Waalamulelle ayo eri ni eyuuma ya ddeko dda vatthimva wi ehikotelleke naari ohiya murimiiwa muttheene va eyuuma eyo eri yoohiroromelleya koma Mulluku oyo ananivaha hiyaano ddittheddene moohillivella wi nihakallallekena.

Luka 8:14

Mmiddo wamorenlle variyari va miiwa onaphwanaphwana ni athu ayo yiiwalle mawu a Mulluku. Koma vatulli viwa ennakhuneelliwa ni ddookhupanyiha ni ddoohakallalliha okumi ni okonda eyuuma. Nave ezipaso ddiwa khaddinawaraalla.

Luka 12:15

Nave aallota wi, “Chenjerani, muhikhalle a nrima vawi okumi wa muthu khonallikana ni waata wa ddeko ariiyena naari arina eyuuma yinchichi.”

2 Timoteo 4:10

Dema aakonda dda ellapo yavatthi nave ookihiya miyaano aya o Tesalonika. Kresike akelle o Galatiya nave Tito akelle o Dalamatiya.

Mateyu 13:7

Mmiddo mmodda wamorenlle variyari va miiwa, miiwannddo ddahunnuwa ddikhwaranya ddoomella dding'onong'ononnddo nave ddaaddikhuneella.

Luka 12:21

Voomallihani Yesu aallota wi, “Ddinaakhalle ddiiddo ni athu oodduukellellella weekhiiwa eyuuma koma khenakhallattho allupa a eyuuma vamiitthoni va Mulluku.”

Masalimo 52:7

“Ngamooneni muthu oyo ahinapaalla omuroromella Mulluku, koma anahameella eyuumaaye yawaata, anallipihella weera ddoonanara.”

Luka 21:34

“Chenjerani wi mirima ddanyu ddihikondeke wiichellachella ni owirya ddoolezeliha navettho oviheeriwa ni dda va ellapo wi nllaponno nihuuphiyereni moorurumusa wonanko musampha.

Yeremiya 4:3

Apwiya enaalleella athu a o Yuda ni o Yerusalemu wi, “Llimani emata ddanyu, muhaalle mmiddwaanyu m'miiwani.

Miyambo 11:28

Oororomella eyuumaaye aneeromora koma athu oolungama eneerophuwa wonanko makukhu.

Masalimo 62:10

Muhiroromelleke dda echiwawa wi ddineerewuukaviherani, muhiganize wi wiiya muneerophurana ello, eyuuma yaata muhinahiyavo murima.

Mitteko 8:18

Simoni oonilleeye wi Munepa Waweella aavahiwa wa ookhulupililaayo, amurummwa yiiyaatthilliiwa mattiiwa va athwaayo, aapaalla waavaha makobiri Petro ni Yohane,

Oollalleya 4:8

Vaakhalla muthu mmodda oyo aari yeekhaaye, oohikhalla ni mwaana apaalle mwanamunne. Mitteko ddaye kheddaamalla nave miitthwaaye kheyaakwakhwanihiwa ni eyuumaaye, khiikoha naari vang'ono wi, “Ethiyo mutteko kinaphareemoolla apaalle oddiimmana ddoohakallallihanngu kinamweerella aani?” Ddenndda khaddinna mutteko navettho tti ddoohihakallalliha.

Miyambo 23:5

Onawehella tini eyo ehiiwo? Vawi eyuuma ennamella muuphello wonanko mpungu onavava muddullu.

Mateyu 12:32

Nave oyo anakillotella epewe mi, Mwaana a Muthu, aneerokhululukelliwa koma oyo anallotella epewe Munepa Waweella khakhululukelliwa enthawi yeella naari muhoollo.

Mateyu 13:39

Nave mudani amumiddalle nansongoloolle tti Satana. Ohata sika omalla wa ellapo yavatthimva nave athu oohata sika angelo.

Mateyu 13:40

Mmo nansongole anaatthukumanihiwiiwa ni ohelliwa munllo, emoddamoddave yeeyo eneereweereya va omalla wa ellapo yavattheella.

Aroma 12:2

Muhittakihereke makhallello a athu a va ellapo yavattheella. Koma mwaakhullelle wi Mulluku uutthattuseni vawuuvahani murima wanaanweene. Vano muneerodduwella eyo Mulluku anapaalleeye, yaphaama wunchichi, yoomuhakallalliha ni yoophwanellella.

1 Akorinto 1:20

Sika vano, nndda ddinaaphiyihe wuuwi athu eezeru apaalle ahuddihi a malamulo* apaalle athu oodduwella ollota, ayo eri a ellapweella? Mulluku oheeriha wi ezeru dda athu a ellapweella ddikhalle ddookarangeya!

1 Akorinto 2:6

Nave kinallalleya othenga wa ezeru wa athu oowaraalla m'munepani. Nave khe ezeru ya ellapo yavattheella apaalle ya oolamulella a ellapweella, ayo masiviiwa enamalla.

1 Akorinto 2:8

Khaavo oolamulella a ellapo ella aadduwenlle ezeru yeella. Yadduwenlleke kheyaatthomeye vamutandani Apwiya antitimiho.

1 Akorinto 3:18

Ahikhallevo muthu aniilleke yeekhaaye. Muthu mmodda variyari vanyu aaddeesaka wi tti eezeru owaaka ezeru dda ellapo yavattheella, aambe okhalla ookarangeya wi akhallena ezeru.

2 Akorinto 4:4

Khenakhulupilila kaambiiwa mulluku oonanara a ellapo yavattheella oheeriha mirima ddiwa wi ddihooneke. Sika khenawora woona omolleella wa othenga waphaama wa ntitimiho na Khrisitu oyo anaphwanaphwana ni Mulluku.

Agalatiya 1:4

Khrisitu ahiivelleella ekaamba ya machimwaahu voomwiiwellellani Mulluku, Attiitthiihu wi anoopolle ovenyera o ellapo yoonanareella.

Aefeso 2:2

Va enthawi yeeyo mwaanathwara ettilla ddoonanara dda va ellapweella. Nave mwaanamwiiwellella oolamulella a minepa ddittheddene ddoonanara ddamuddullu, munepa oyo onalamulella athu oohimwiiwellella Mulluku.