Mateyu 12:50 - Mawu a Mulluku

⁵⁰ Oyo aneera ddoopaalla dda Attiitthaaka ooddullu sika mwanamunnaka, murokoraka ni amoowaaka.”

Mateyu 12:50 ပူးပေါင်းရင်းမြစ်များ

Luka 8:21

Koma Yesu aallota ni mullokooyo wi, “Amoowaaka ni asinnaka tti yaayo eniiwa mawu a Mulluku nave enawiiwellella.”

Mariko 3:35

Oyo aneera ddoopaalla dda Mulluku sika mwanamunnaka, murokoraka ni amoowaaka.”

Yohane 15:14

Nyuwaano tti akhwaaka mweera kinuulamuleemini.

Yohane 6:29

Yesu ahaakhulla wi, “Eyo Mulluku anapaalleeye wi mweere tti yawi mumukhulupilileke oyo aamurumalleeye.”

Mateyu 28:10

Vano Yesu aallota wa yaayo wi, “Muhoove, khaweni mwaalleelle oohudderaaka wi eye o Galileya nave eneerokoona miyaano wenko.”

Aroma 8:29

Athu ayo Mulluku aatthoonlleeye khalle, aaweera wi ekhalle wonanko Mwanaye wi Mwaanooyo akhalle awaamba mu nibanja nuullupalli.

Yohane 6:40

Vawi opaalla wa Attiitthaaka tti wawi arive muthu oyo anakoona miyaano ni okhulupilila mwa olliyooyo, akhallena okumi woohimalla. Nave va nllapo noomallihella kineerewaavenyiha wa ookhwa.”

1 Yohane 2:17

Ellapo yavatthi ni erive ello eri mwemmo eyo athu enakhallelliiwa munkhella ennamalla koma ayo eneera ddoopaalla dda Mulluku ennakhalla ni okumi woohimalla.

Mateyu 25:40

“Mi, mwene, kineerewaakhulla wi, ‘Ddawoona, kinimuulleellani wi kaambiiwa mwaamweerella mmodda a aakhwaaka naari ang'onong'onwaalla, mwaakeerella yeeyo miyaano.’

1 Timoteo 5:2

Okhalleke ni attekweene aatthiyana wonanko amaayo. Okhalleke ni anamwalli wonanko arokoriyo, mwa weella murima.

1 Petro 4:2

Vano waambeella enthawi yeella ophiyera muhoollo, okhalla wanyu wa va ellapo yavatthimva onaphwanella ohoollelliweke ni opaalla wa Mulluku ohiri ni minkhella dda omuthu.

Agalatiya 6:15

Ophaddiwa naari ohiphaddiwa khonna mutteko koma okhalla oophatusiiwa anaanweene sika ori ni mutteko.

Yohane 20:17

Yesu aamulleella wi, “Ohikiphare vawi nginawelle wa Attiitthaaka. Koma vano khawe wa oohudderaaka waalleelle wi kinahokollweella wa Attiitthaaka ni wa Attiitthaanyu, wa Mullukwaaka ni Mullukwaanyu.”

Yawuupullulla 22:14

Oodalisiwa tti ayo enachapa ddoowara ddiwa mwaweelliha wi yaakhullelliwe ovollowa va millako dda m'muzindani ni ocha ezipaso dda muteekho wa okumi.

Akolose 3:11

Ekaamba ya yeella, khuwaavo ohiyana variyari va Ayuda ni athu ayo ehiri Ayuda, oophaddiwa ni oohiphaddiwa, athu a ellapo ddimodda, athu oohihuddera, akaporo ni athu eyo ehiri akaporo nave Khrisitu sika ari oopaalleya, Khrisitu ari mwa attheene.

Agalatiya 5:6

Vawi nakhalla mu eyaattano ni Khrisitu Yesu, ophaddiwa naari ohiphaddiwa khonna mutteko; yoopaalleya tti echikhulupililo eyo enaphara mutteko oyeella mu echikondi.

Mitteko 17:30

Mulluku khalle ahaahiya athu oohaallaka vawi kheyaamudduwella koma vano annaalamulella athu attheene orive weko wi erukunuwe murima.

Mateyu 17:5

Allotaka ddiiddo, waawa murapo woowala waakhuneella ni muuthuuchiiwa nave mawu oovenyera m'muraponimmo yaallota wi, “Olla sika Mwanaka ookondiwa, kinnahakallallana wunchichi mwiiwellelleni.”

Masalimo 22:22

Kineerewaatthopoollella abalaaka dda nyuwaano, kineerewuutitimihani vamutthukumanoni wa athwaanyu.

Aheberi 5:9

Ohoosiwangu waamweeriha okhalla aphaama nave aakhalla awaamba a yoovullusa yoohimalla wa athu attheene oomwiiwellella olliye,

2 Akorinto 11:2

Kinnuukhallellani ehache, wonanko mmo Mulluku anakhallelleeye. Nyuwaano muri wonanko namwalli oyo kimutomelihalleemi wi atthelliwe ni mullopwana mmoddave, sika Khrisitu yeekhave.

Mitteko 26:20

Kaallalleya waambeella wa athu a o Damasiko, a o Yerusalemu ni a mu Yudeya mutthemwene owaakattho variyari va athu ayo ehiri Ayuda. Kaallalleya wi enaphwanella ehiye machimwiiwa nave erukunuwelle wa Mulluku ni weera ddeko ddawooniha wi aahiya machimo.

Mateyu 25:45

Miyaano kineerewaakhulla wi, ‘Ddawoona, kinimuulleellani wi ekaamba yawi mwaakhoota omurumeyella mmodda a ang'onong'onwaalla mwaakhoota okirumeyella miyaano.’

1 Akorinto 9:5

Miyaano ngiphwanenlle othwara echisanzo ya amurummwa amodda ni asinniwa a Apwiya ni Petro, voomutthellani mutthiyana ookhulupilila wi kimukuseke voolendonaaka?

Nchipo na Solomoni 4:12

Murokoraka, mwaaraka, tti emata ya mpanda, tti neetuutu ooteteziwa, ehime yookhuneelliwa.

Mateyu 12:49

Eerille ddiiddo, ahaatthoonya oohudderaaye allota wi, “Alla sika amoowaaka ni asinnaka!

Mateyu 13:1

Nllapo nenno Yesu aakhuma mpammo aya akeraatthi mukhwipi mwa enyanja wi ahuddiheke.