Mateyu 12:46 - Mawu a Mulluku

⁴⁶ Yesu alloteeye wa athu, amennya ni asinne yaaphiya. Yahiimella vaatte, opaalla wi ellote ni olliyooyo.

Mateyu 12:46 ပူးပေါင်းရင်းမြစ်များ

Mateyu 13:55

Khe mwaana a ookhoma mataboolle? Amennya khe Mariya? Nave asinne khe Yakobo, Yosefe, Simoni ni Yudasi?

Yohane 2:12

Ddimallille nndda, Yesu, amennya, asinne ni oohudderaaye yaaya o etawoni ya Kaperenao nko yakhallilliiwawo mallapo ooyeva.

Yohane 7:5

Vawi naari asinnaayo kheyaamukhulupilila.

Yohane 7:3

Sika asinne a Yesu yaamulleella wi, “Venyaniwoni wuno muye o Yudeya wi oohudderaanyu ni alliwattho yoone mitteko ddanyu nnddo muneereenyu.

Mitteko 1:14

Yaanavekella wiilliwiilli ni murimiiwa muttheene moowiiwanana, vamodda ni atthiyana ni Mariya amennya a Yesu navettho asinne a Yesu.

Mariko 6:3

Khe mwaana a ookhoma mataboolle? Amennya khe Mariya? Nave asinne khe Yakobo, Yosefe, Simoni ni Yudasi? Arokoraye khenakhalla vaavamva?” Sika yaamunyaambusa.

Agalatiya 1:19

Khaavo murummwa kamoonilleemi omupatula Yakobo, mwanamunniwa a Apwiya

1 Akorinto 9:5

Miyaano ngiphwanenlle othwara echisanzo ya amurummwa amodda ni asinniwa a Apwiya ni Petro, voomutthellani mutthiyana ookhulupilila wi kimukuseke voolendonaaka?

Yohane 7:10

Asinne a Yesu eyiille o ehakallallo wulle, Yesu nayeenettho aayaawo ohiri mwawooneya koma mwawiipittheya.

Luka 2:48

Makhollwaaye yamoonilliiwa yaattikhina nave amennya yaamukoha wi, “Mwanaka, weerelle tini ddenndda? Attiittho ni miyaano naanakhupanya dda weyaano nawaasheewe.”

Luka 8:10

Nave ahaakhulla wi, “Wa nyuwaano woovahiwa odduwella ddookhuweya dda omwene wa Mulluku koma wa alliwaayo kinaallotella m'maphwanaphwanihoni wi woona yooneke koma ehidduwelleke nave wiiwa yiiweke koma ehiiweseseke.

Mariko 2:21

“Khaavo muthu anakusa echigamba ya ekuwo esha asowella va yoowara yakhalle. Vawi echigamba esheeyo eneerokwinyeya ni waahulla yoowareeyo wunchichi ohiyana ni khalle.

Yohane 2:5

Amennya a Yesu yahaalleella oorumeyella a okwati wi, “Erive ello eyo mwanaka aneereeye uulamuleni wi mweere, erani.”

Luka 2:33

Attiitthinnya ni amennyaayo yaattikhinana ddeko ddallotille Simiyoni dda mwaanooyo.

Yohane 2:1

Viviralle mallapo meelli waakhalla machellello a okwati mu etawoni ya Kana o echigawo ya Galileya. Amennya a Yesu yaari wenko.

Luka 2:51

Vano Yesu aahokollowana vamodda oya o Nazareti nave aanawiiwellella. Amennyaayo yaasunga ddittheddenenndda m'murimani mwiwa.

Mateyu 2:20

“Ngavenya omukuse mwaanooyo ni amennya, muye o Israele kaambiiwa ayo yapaalla omwiipha mwaanooyo yookhwa.”

Mateyu 2:11

Yavollowilliiwa mpa, yaamoona mwaanooyo ari ni amennya, Mariya. Vano yaakokhora emullapella. Yaattaphulla eyuumiiwa emuvaha emphaso dda golide, lubani* ni makhura a nthuko naphaama na mure.*

Mateyu 1:18

Oyariwa wa Yesu Khrisitu waari wawi amennya, Mariya, yaatomeliwa ni Yosefe koma ehinatthellane, Mariyooyo aaphwanyeya ari ni erukullu mwamasiva a Munepa Waweella.

Yohane 19:25

Vakhuviru ni mutanda wa Yesu vahiimella amennya ni mwanamunniwa ni Mariya mwaara a Kleopa ni Mariya Magadalena.

Luka 1:43

Miyaano kiri aani wi ameewa a Apwiyaaka ekeetella?

Mateyu 12:47

Vano muthu mmodda aallota ni olliye wi, “Amennyu ni asinninyu yiimenlle vaattemva nave enapaalla wi mwallotena.”

Luka 2:34

Vano Simiyoni ahaadalisa nave allota wa Mariya amennyaayo wi, “Mwaanoolla ootthoolliwa ni Mulluku wi akhalle ollakiwa ni ovullusiwa wa athu anchichi a o Israele. Aneerokhalla echizindikiro yoovenyera wa Mulluku, eyo athu anchichi eneeriiwa yiitanena.