Mateyu 12:39 - Mawu a Mulluku

³⁹ Koma Yesu aawaakhulla wi, “Athu a mbadoolla tti oonanara ni oohiroromelleya, enakiveka echizindikiro. Kheyiivo echizindikiro enaavahiwiiwa koma ya namallotella Yona.

Mateyu 12:39 ပူးပေါင်းရင်းမြစ်များ

Mateyu 16:4

Athu a mbadoolla tti oonanara ni oohiroromelleya, enakiveka echizindikiro. Kheyiivo echizindikiro enaavahiwiiwa koma ya namallotella Yonave.” Vano ahaahiya avenyavo.

Yakobo 4:4

Nyu athu oohiroromelleya! Khamunadduwella wi waattana ni ellapo yavatthi tti wiitana ni Mulluku? Athu enapaalla waattana ni ellapo yavatthi enaddiitaniha weekhiiwa ni Mulluku.

Mariko 8:38

Muthu aawulliwaka muru ekaamba ya miyaano ni mawaaka wa athu a mbadoolla, ooraruwa ni oochimwa, vano mi, Mwaana a Muthu, kineerowulliwa muru ni olliye kaawaaka mu ntitimiho na Attiitthaaka ni angelo aweella.”

Yesaya 57:3

Waani wuno nyu athu oochimwa vawi muri wonanko edduullu dda amasenga, ooraruwa ni oohule.

2 Mamwene 14:25

Yerobowamu ahaakhattho mapuro mamodda ayo khalle yaari a Israele, ovenyera va mullako wa Hamati echigawo ya ompoto ophiyera ohito wa enyanja ya Araba. Sika ddaheereya nnddo Apwiya Mulluku a Israele yallotilliiwa oweella mwa oorumeyelliiwa Yona mwaana a Amitai, namallotella a o Gatihefere.

Yona 1:1

Vano mawu a Apwiya yaawa wa Yona, mwaana a Amitai wi,

Mariko 8:12

Nave Yesu aavuma wuullupalli allota wi, “Kaambiiwa tini athu a mbadoolla enakivekiiwa dda echizindikiro? Ddawoona, kinimuulleellani wi naari yeerevedde echizindikiro khevahiwa wa athu a mbadoolla!”