Mateyu 12:30 - Mawu a Mulluku

³⁰ “Muthu oyo ahiniiwanana ni miyaano, yooyo annakikhoota miyaano; navettho oyo ahinakikavihera waatthukumaniha athu mu omwene wa Mulluku yooyo annaamwaramwasa athu mu omwene wa Mulluku.

Mateyu 12:30 ပူးပေါင်းရင်းမြစ်များ

Mariko 9:40

Vawi muthu ahinanivaanyiha anniiwanana ni hiyaano.

Luka 11:23

“Muthu oyo ahiniiwanana ni miyaano, yooyo annakikhoota miyaano navettho oyo ahinakikavihera waatthukumaniha athu mu omwene wa Mulluku yooyo annaamwaramwasa athu mu omwene wa Mulluku.

Luka 9:50

Koma Yesu aamulleella ni oohuddera akhwaayaayo wi, “Muhinamuhiiha vawi muthu ahinanivaanyiha anniiwanana ni hiyaano.”

Mateyu 6:24

“Khaavo mullupa mutteko anawora waarumeyella apwiya eelli vawi aneeromwiita mmoddooyo nave aneeromukonda mmoddooyo apaalle aneeromwiiwellella mmoddooyo nave aneeromuvevulla mmoddooyo. Emoddamoddave yeeyo khamuwora omurumeyella Mulluku ni orumeyella eyuuma.

Yoswa 24:15

Vano waarumeyella Apwiya waawukatamihakani, mumutthoolle ollello oyo munaamurumeyellekeenyu apaalle milluku nnddo yaddirumeyelle makhollwaanyu ookhalla okhopella wa muhinje apaalle milluku dda Aamori ayo munakhalleenyuna mu ellapwiiwa. Koma miyaano ni a vanibanjani vaka ninaawaarumeyelleke Apwiya.”

1 Yohane 2:19

Athu yaalla yavenyenre mwa hiyaano koma yaathawamo nave ella sika ekaambiiwa yavenyilliiwa variyari vahu; yaakhanlleke a eyaattanwaahu, yeerokhalla ni hiyaano. Nave yaavenyavo wi vidduwanyeye wi attheenaayo kheyaari a hiyaano.

Yoswa 5:13

Nllapo nimodda Yoswa ari vakhuviru ni muzinda wa Yeriko, moorurumusa aamoona muthu iimenlle muhoollo mwaye, nsupada noohullullahullulla niri m'mattani mwaye. Vano Yoswa aaya vaari muthumvo amukoha wi, “Ethiyo weyaano tti mmodda a akhotwaahu apaalle ori mudanaahu?”

Genesis 49:10

Yuda eneerophareella ekopo yoomwene enthawi ddittheddene. Aneerowummellella omwenooyo, nave aneerosunga masiviiwa, ophiyera mwaneenaneena aphiyalle, oyo anaalamulelle athu attheene.

Yohane 11:52

ohiri munipuroni na mutundu yooyove komattho wi aatthukumanihe vamodda anamwani a Mulluku ayo yaapallalleyille.

Hoseya 1:11

Athu a o Yuda ni o Israele aneerewaatthukumanihattho vamodda nave eneeromutthoolla oohoollella mmodda. Vano eneerokhuma mwiillaponi mwiwa vawi nllapo na Yezireele ninaakhalle nllapo nuullupalli.

Miyambo 11:24

Ookhallavo ookawa mwawoollowa matta nave annavirellellave otukhuwa. Ookhallavo awiimana nnddo ariiyena nave annavirellellave ohoowa.

Mateyu 12:29

“Nave khaavo muthu anawora ovollowa mu enyumba ya muthu amasiva ni wiiyamo ddeko ddaye ahaambille ommaka muthu amasivooyo. Eera ddiiddo anniiya dda mpammo.

Masalimo 94:16

Ethiyo ttaani anaallipe murima wi akivaddere ekhoto ni oonanara? Ethiyo ttaani anaakhalle o embalaaka wi allipane ni aweera ddoonanara?