Mateyu 12:28 - Mawu a Mulluku

²⁸ Koma kaakhumihaka minepa ddoonanara ni masiva a Munepa a Mulluku ddinnooniha wi omwene wa Mulluku woowa khalle wa nyuwaano.

Mateyu 12:28 ပူးပေါင်းရင်းမြစ်များ

Luka 11:20

Koma kaakhumihaka minepa ddoonanara ni masiva a Mulluku ddinnooniha wi omwene wa Mulluku woowa khalle wa nyuwaano.

Daniele 7:14

Vano aavahiwa olamulello, olemu ni omwene wi athu a ellapo ddittheddene, mitundu ddittheddene ni ellotello ddoohiyanahiyana yaanamurumeyella. Olamulellwaaye tti wa enthawi yoohimalla, khowa omalla nave omwenaaye khowa woonongeya.

Mateyu 21:43

Yesu ahaanjerera ollota wi, “Sika kinimuulleellani wi, omwene wa Mulluku oneerewaakhiwa wa nyuwaano nave oneerovahiwa wa athu amodda ayo eniimma ezipaso ddaphaama vaweerani echilungamo.”

Mateyu 6:33

Koma yawaamba mwaashaasheke omwene wa Mulluku ni echilungamwaaye nave aneerewuuvahani ddeko ddittheddenenndda.

Mitteko 10:38

Munnadduwella dda Yesu a o Nazareti nave wi Mulluku aamuvaha olliye Munepa Waweella owaakattho masiva. Aaya orive weko, weera ddaphaama ni waachiriha attheene ayo yalamuliwa ni masiva a Satana vawi Mulluku aari ni olliye.

Akolose 1:13

Aanaakiha ovenyera o masiva a epiphi nave anikusella mu omwene wa Mwanaye ookondiwa.

Aroma 14:17

Vawi omwene wa Mulluku kohiyo wa dda yoocha ni yoowirya koma tti wa dda echilungamo, murendelle ni ohakallalla ddoovenyera wa Munepa Waweella

Luka 16:16

“Malamulo a Mose ni ehuddiho ya anamallotella ddaanapharihiwa mutteko ophiyera enthawi ya Yohane Oobatiza. Ovenyera vaavo othenga waphaama wa omwene wa Mulluku onnallalleyiwa nave athu attheene ennawatiheriwa wi evollowemo.

Mariko 1:15

Olliye aallota wi, “Enthawi yookwakhwanihiwa nave omwene wa Mulluku wohaatamella. Rukunuwani murima nave mukhulupilile othenga waphaama!”

Mateyu 21:31

Ttaani mwa eellaalle enre yapanlle attiitthiiwa.” Yaamwaakhulla wi, “Awaamboolle.” Sika Yesu aallota wi, “Ddawoona, kinimuulleellani wi ookhomiha misonkho ni atthiyana ooraruwa eneerohoolla ovollowa mu omwene wa Mulluku nyuwaano muhinavollowe.

Luka 9:2

Nave ahaarumiha wi yallalleye dda omwene wa Mulluku ni waachiriha oovoriiwa.

Mariko 16:17

Ookhulupililaayo eneerokodduwanyeya kaambiiwa eneerekeweera ddoottikhiniha. Eneerokokhumiha minepa ddoonanara vooromollani nnddina naka nave eneerekollota ellotello ddoohidduwanyeya.*

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Aheberi 12:28

Vawi nohaakhella omwene woohitikheya nimuthokozeke Mulluku nave nimullapelleke moophwanellella, moolemu ni mwawoova.

Luka 10:11

‘Naari nthupi noovenyera mu etawoni mwanyu nowaangellella m'manyalloni mwahu nohuuttatthellani. Koma dduwellani wi omwene wa Mulluku woowaatamellani!’

Mariko 11:10

Odalisiwe omwene wa Davide nikhollo nahu, oyo onawooyo! Ntitimiho nikhalle wa Mulluku!”

Mateyu 12:18

“Olla tti oorumeyellaaka oyo kamuthoollilleemi, kinamukondeemi ni ohakallallana wunchichi. Kineeromwinnya munepaaka, nave aneerollalleya dda echilungamwaaka wa athu a mitundu ddittheddene a ellapo yavatthi.

Mateyu 4:24

Epillaaye yaavuwa mu echigawo ettheene ya Siriya, sika athu yaamukusella athu attheene a ereta ddoohiyanahiyana ni oovoriiwa oohiyanahiyana, athu ookhalla ni minepa ddoonanara, a achillechille ni oorakalla nave olliye ahaachiriha attheene.

Mateyu 12:29

“Nave khaavo muthu anawora ovollowa mu enyumba ya muthu amasiva ni wiiyamo ddeko ddaye ahaambille ommaka muthu amasivooyo. Eera ddiiddo anniiya dda mpammo.

1 Yohane 3:8

Oyo anavirellella ochimwa anakhalla a Satana kaambiiwa Satana aachimwa ovenyera vawaamba. Mwaana a Mulluku ahooneya ekaamba ya yeella wi oononge eyo yeeriwe ni Satana.