Mateyu 11:7 - Mawu a Mulluku

⁷ Oohuddera a Yohane yarowiiwa, Yesu ahaamba ollota dda olliye wa mulloko wa athu wi, “Ethiyo mwayiilleenyu wa Yohane mu echipululu, mwapaalla moonewo tini? Muthu otikheyatikheya ni ephevo wonanko epango?

Mateyu 11:7 ပူးပေါင်းရင်းမြစ်များ

Yakobo 1:6

Nave aveke ni echikhulupililo moohikayikella. Vawi oyo anakayikella ari wonanko mafunde a mu enyanja ayo enakakhiwa ni ophikirisiwa ni ephevo.

Yohane 5:35

Yohane aari wonanko enyali ni yoowala nave nyuwaano mwaatthoolla ohakallallana owalanko enthawi yoyeva.

Aefeso 4:14

Neera ddiiddo khanikhallattho wonanko anamwani ookusiwa ni mafunde ni oovavihiwa ni ephevo yooyeella nngu ni nngu ya ddoohuddiha dda athu awoottha, ayo enaahollosa amodda vawallekani.

Genesis 49:4

Tti wonanko echigumula ya maaddi awoopiha. Koma khokhallattho awaaposa akhwaawo, kaambiiwa waakona ni mwaaraka mung'onong'ono nave waheera ddoowulliha muru vabedini a attiittho.”

Luka 8:18

“Vano chenjerani ni mmo muniiwellaanyu mawu vawi muthu arina ello aneerovahiwa yawaanjerera. Koma muthu oyo ahinna ello aneerewaakhiwa naari eng'onong'ono eyo anaganizeeye wi ookhallana.”

Mateyu 21:25

Yohane aakusalle wuuwi olamulello woobatiza, waavenyenre wa Mulluku apaalle wa athu?” Yaakambirana weekhiiwa wi, “Nillote wi tini? Namwaakhulla wi wa Mulluku, aneerollota wi, ‘Khamwaamukhulupililalle Yohane kaambiiwa tini?’

Mateyu 3:5

Athu oovenyera o Yerusalemu ni mu Yudeya mutthemwene ni mapuro mattheene awaatamana ni muhinje wa Yordani, yaaphiya wa olliyooyo.

Yohane 1:38

Yesu aarukunuwa awoona alliwa emuthwaraka nave ahaakoha wi, “Munaasha tini?” Yaamwaakhulla wi, “Munakhalla wuuwi, Rabi?” (Rabi anattaphullella, Muhuddihi.)

Mateyu 11:8

Ddaahiri ddiiddo, vano mwayiillewo wi moonewo tini? Muthu oowara ddoowara ddookotana? Iyaayi, athu oowara mwawi ddiidda enakhalla mu enyumba dda mamwene!

Mateyu 12:20

Khawa inttaka epango yookhoromana, naari othiimiha enyali yoothuwa, ophiyera eerihalle echilungamo wi egonjihe ddeko ddittheddene.