Mateyu 11:29 - Mawu a Mulluku

²⁹ Mukiiwellelleke miyaano wonanko eng'ombe ddatukhulla nigoli.* Navettho muhuddere wa miyaano kaambiiwa miyaano tti oomaalleya ni owiiyeviha, sika muneerewiithuuwa.

Mateyu 11:29 ပူးပေါင်းရင်းမြစ်များ

Yeremiya 6:16

Apwiya yaallota ni athwiiwa wi, “Imellani va makhullukano nave wehani. Mukohe nko ori ettilla ddakhalle nave nko ori ettilla yaphaama. Vano muhitathille ettilla yaphaameeyo wi mukhalle ni murendelle.” Koma mwaallota wi, “Khaniwa nithwara!”

1 Yohane 2:6

Ayo enallota wi erive mu eyaattano ni Mulluku enaphwanella ekhalleke wonanko mmo Yesu Khrisitu akhallelleeye.

Yohane 13:15

Vawi kohuuvahani echisanzo wi mweereke wonanko mmo kiweerelleemini.

Mateyu 7:24

“Vano arive muthu oyo aniiwa ni weera mawaaka anaphwanaphwana ni muthu eezeru oyo aamakille enyumbaaye vanllukuni.

Aheberi 5:9

Ohoosiwangu waamweeriha okhalla aphaama nave aakhalla awaamba a yoovullusa yoohimalla wa athu attheene oomwiiwellella olliye,

2 Akorinto 10:1

Miyaano Paulo, oyo athu enakeera oomaalleya ni oolleva kakhalla ni nyuwaano koma ootokollolla karekamella, kinimuuvekani mwa meekhaaka ekaamba ya wiiyeviha ni oreera murima wa Khrisitu.

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Afilipi 2:5

Oganiza wanyu okhalleke wonanko wa Khrisitu Yesu.

Numeri 12:3

Mose aari awiiyeviha omukhwaranya arive muthu va ellapo yavatthi.

Mateyu 21:5

“Ngaalleelleni athu a o Ziyoni wi, ‘Ngoonani, mwenaanyu animawa wa nyuwaano! Tti awiiyeviha navettho amuwenlle mwaanabulu, mwaana a enama yoomutukhulla katundu.’ ”

2 Akorinto 10:5

ni erive ello yoolepheliha athu odduwella dda Mulluku. Ninnaaphara erive maganizo wonanko kaporo wi emwiiwellelleke Khrisitu.

1 Atesalonika 4:2

Vawi munnadduwella malamulo nuuvahilleeyeni moolamuliwa ni Apwiya Yesu.

Yohane 13:17

Vano vawi moodduwella ddawoonanndda, nyuwaano tti oodalisiwa mwaweraka ddenndda!

Mateyu 17:5

Allotaka ddiiddo, waawa murapo woowala waakhuneella ni muuthuuchiiwa nave mawu oovenyera m'muraponimmo yaallota wi, “Olla sika Mwanaka ookondiwa, kinnahakallallana wunchichi mwiiwellelleni.”

2 Atesalonika 1:8

nave ni mallumi amunllo wi aallake ayo ehinamudduwella Mulluku nave ayo ehiniiwellella othenga waphaama wa Apwiihu Yesu.

1 Akorinto 9:21

Emoddamoddave yeeyo, kaapharaka mutteko ni athu oohilamuliwa ni malamulo a Mose kinakhalla wonanko muthu oohilamuliwa ni malamulo a Mose wi kaakope athu ayo ehiri Ayuda. Ella khenattaphullella wi nginathwara malamulo a Mulluku koma kinathwara malamulo a Khrisitu.

Mitteko 7:37

Moseene tti yoolle allotille wa athu a o Israele wi, ‘Mulluku aneerewuurumihellani namallotella ovenyera mwa nyuwaano, wonanko miyaano.’

Luka 8:35

Athu yaakhuma wi yoone yeereyeeyo. Yaphiyalliiwa wa Yesu, yaamoona muthu oyo minepa ddoonanara ddaakhumalle mwa olliyooyo akeraatthille vakhuviru ni Yesu. Aari awanre phaama, ari ni maganizo aphaama. Nave attheenaayo yahoova.

Masalimo 131:1

Nyu Apwiya, murimaaka tti woohiitukhulla, miitthwaaka tti oohikota, nginakuseya murima ni ddeko ddavaddullu ni ddoottikhiniha.

Masalimo 116:7

We murimaaka, hokollweella onipuroni nawo nawiithuuwellawo, kaambiiwa Apwiya aaweerella ddaphaama.

Miyambo 3:17

Ezeru eneeroweeriha okumaawo ohakallalla nave eneerekoweetiha mwamurendelle.

Yesaya 28:12

Yahuulleellani wi, “Nipuro nawiithuuwellavo tti nenna, ootopa yiithuuwe, nipuro noovumellavo tti nenna.” Koma nyuwaano khemwiiwalle.

Yesaya 29:19

Athu awiiyeviha eneerokhallattho ni ehakallallo mwa Apwiya nave oohoowa eneerohakallalla ekaamba ya Aweella a Israele.

2 Epilli 10:11

Attiitthaaka yahuureyani nigoli noollemella, miyaano kineerewaanjereravo. Nave attiitthaaka yuuwashullani ni miwashullo shisha koma miyaano kineerewuuwashullani ni miwashullo ddamukoko.’ ”