Mateyu 11:23 - Mawu a Mulluku

²³ Nave wa nyu athu a o Kaperenao, muneesa muneerowellihiwa ophiyera oddullu? Iyaayi Mulluku aneerewuukitthihani ophiya o gehena. Ddoottikhiniha ddeeriwe wa nyuwaano ddeeriweke wa athu a o Sodomu, muzinda yoolla waweerokhallavo ophiyera ollello.

Mateyu 11:23 ပူးပေါင်းရင်းမြစ်များ

Mateyu 4:13

Aavenyawo o etawoni ya Nazareti nave aaya akhalla o Kaperenao, etawoni ya mukhwipi mwa enyanja ya Galileya,* mu malire a Zebuloni ni Nafutali.

Genesis 13:13

Athu a m'muzindammo yaari oonanara ni oochimwesesa vamiitthoni va Apwiya.

Yawuupullulla 11:8

Nave mitembo ddiwa ddineerophwanyeya ddiri m'misewuni dda muzinda muullupalli, nko Apwiiwa yatthomeyiweewawo vamutandani. Muzindooyo waromiwe wi, “Sodomu apaalle Iguputo.”

Yuda 1:7

Muupuwelle Sodomu ni Gomora ni matawoni awaatamanana, nko athu yeerille ddoophwanaphwana ni nnddo yeerille angelwaalle. Athwaalla yaheera machimo ooraruwa ni machimo amodda oohiphwanella weeriwa ni muthu. Mulluku ahaallaka ni munllo woohimalla wi aachenjeze athu amodda.

Mitteko 2:27

kaambiiwa kinnakhulupilila wi khamukihiya o ellapo ya ookhwa, nave khamukihiya mi oororomelleyaanyu aweella wi kuntelle mu mahame.

Luka 14:11

Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.”

Mateyu 16:18

Sika kinuuvaha nnddina nawi Petro ottaphullella wi, ‘nlluku’. Vanllukuni vaava kineeromakavo mpingwaaka nave masiva a okhwa khewugonjiha.

Mateyu 8:5

Yesu avollowilleeye mu etawoni ya Kaperenao, akhoto muullupalli a o Roma aawa wa olliyooyo aveka nikavihero voollotani wi,

Obadiya 1:4

Koma naarive omakille enyumbaawo vaddullu wonanko emphuru ya echiwombankhanga, wonanko emodda mwa etheneeri kineerewuukitthiha.”

Maliro 2:1

Apwiya aasha murima wunchichi, ngoonani amukhuneellelleeye mwaana aamutthiyana, Ziyoni ni epiphi. Aawutathillella vatthi oriiheya wa Ziyoni ovenyera oddullu. Va nllapo na osha murima wiwa kheyaawupuwenlle wi Israele aari wonanko voonyingallavo manyallwiiwa.

Luka 16:23

Nave muthu a eyuumoolle ahooweeye o gehena, aaweha oddullu. Wenko aamoonawo Abrahamu ari voorekamella nave Lazaroolle ari vakhwipi ni Abrahamooyo.

Luka 4:23

Nave Yesu aallota wi, “Kinnadduwella wi muneerokillotella miyaano mwambi wawi, ‘Mullupa murete we, ichirihe weekha’ nave weerilleewe mu Kaperenao weerettho wuno o etawoni yoowaninyweella.”

Mateyu 17:24

Yesu ni oohudderaaye ephiyalle o Kaperenao, ookhomiha musonkho wa enyumba ya Mulluku yaawa wa Petro emukoha wi, “Ahuddihaanyu ennakhoma musonkho wa enyumba ya Mulluku?”

Ezekiele 26:20

Kineerewuukuhella vatthi wi okhalle vamodda ni athu akhalle ayo yakitthenlle omahame. Kineerewuukitthihella ollitininko vamodda ni athu yakhwille khalle wonanko ntepe natthaamiwe khallekhalle. Sika khowa okhalla ni athu mu ellapo ya ookumi.

Ezekiele 31:14

Nndda ddineereweereya wi vihikhalle muteekho naari mmodda wa mukhwipi mwa muhinje oyo onaarekame wunchichi apaalle oyo etthoka ddiwa ddinaaphiye oddullu. Vihikhallettho miteekho ddimodda ddawaakhella phaama maaddi nnddo ddinaarekame ophiyera oddullu. Vawi ddittheddenennddo omalla wiwa tti okhwa, oya vatthi va ellapo wi ddakhalle vamodda ni athu ookhwa, ayo yavollowille khalle mu mahame.’

Ezekiele 32:18

“We mwaana a muthu winlle wunchichi ekaamba ya athu awaata a o Iguputo. Waavelleelle vamodda ni athu a mitundu ddimodda ddamasiva o ellapo ya ookhwa.

Ezekiele 32:24

Wenko wookhalla Elamu ni akhotwaaye attheene ayo eri mu mahame oomwaapheella. Attheenaayo yahiiphiwa vakhotoni. Athwaayo yaakhwa ehinaphaddiwe. Alliwaayo yaanoopiha khalle mu ellapo ya ookumi. Vano ennawulliwa muru vamodda ni ayo eri mu mahame.

Mateyu 10:15

Ddawoona, kinimuulleellani wi, va nllapo na echiweruzo, Mulluku aneeroweerella echifundo yinchichi athu a Sodomu ni Gomora, waakhwaranya athu a mu etawoni yeella.

Luka 10:15

Nave wa nyu athu a o Kaperenao, muneesa muneerowellihiwa ophiyera oddullu? Iyaayi Mulluku aneerewuukitthihani ophiya o gehena.”

Mitteko 2:31

Davide ahoona khalle ddinaaweere Mulluku muhoollo nave aallota dda ovenya wa ookhwa wa Mesiya* allotilleeye wi, ‘Khaahiyiwe o ellapo ya ookhwa mwiillaaye khawuuntelle mu mahame.’

Yawuupullulla 1:18

Ookumoolle tti miyaano! Kaari ookhwa koma vano kookhalla ni okumi woohimalla. Kookhalla ni kiiyi a va okhwa ni a va ellapo ya ookhwa.

Yawuupullulla 6:8

Kaaweha nave kaamoona kavalo awooneya wonanko ntuura. Oomuwellooyo nnddina naye naari Okhwa nave athwariwa ni ellapo ya ookhwa. Yaavahiwa olamulello va emodda ya ezigawo ddisese dda ellapo yavatthi wi ewiiphe athu ni ekhoto, ettalla, ereta ni enama ddoosavuwa.

Yawuupullulla 20:13

Nave enyanja yahaavelleella athu yakhwenlle mwemmo. Okhwa ni ellapo ya ookhwa ddahaavelleellattho ookhwiiwa yaari wenko. Attheenaayo yaheeruziwa moollikana ni mitteko ddiwa.