Mateyu 11:22 - Mawu a Mulluku

²² Ddawoona, kinimuulleellani wi, va nllapo na echiweruzo Mulluku aneeroweerella echifundo athu a o Tiro ni Sidoni ohiyana ni nyuwaano!

Mateyu 11:22 ပူးပေါင်းရင်းမြစ်များ

Mateyu 11:24

Koma kinimuulleellani ddawoona wi, va nllapo na echiweruzo Mulluku aneeroweerella echifundo athu a o Sodomu ohiyana ni nyuwaano.”

Mateyu 10:15

Ddawoona, kinimuulleellani wi, va nllapo na echiweruzo, Mulluku aneeroweerella echifundo yinchichi athu a Sodomu ni Gomora, waakhwaranya athu a mu etawoni yeella.

1 Yohane 4:17

Mwawi ddiidda echikondi yookhalla yawoona mwa hiyaano sika wi nikhalle oollipa murima va nllapo na echiweruzo kaambiiwa niri wonanko Yesu naari nikhallakave mu ellapo yavattheella.

Mateyu 12:36

“Kinimuulleellani wi va nllapo na echiweruzo muthu aneerewiipiwa mullatu va mawu mattheene oohikhalla ni mutteko ayo aallotilleeye.

Luka 10:14

Va nllapo na echiweruzo Mulluku aneeroweerella echifundo athu a o Tiro ni Sidoni ohiyana ni nyuwaano!

Ezekiele 29:18

“We mwaana a muthu, khalle Nebukadinezara mwene a o Babiloni aaphariha mutteko ekhoto voollipanani ni muzinda wa Tiro, ophiyera arive muthu aakhalla ni nttari nave yaaphinyuwa mathuri ekaamba yoomutukhulla katundu. Komathi olliye apaalle mullokwaaye wakhoto kheyaaphurallevo ello va mutteko muttheene yapharilliiwa voollipanani ni muzindooyo.

Yeremiya 27:3

Vano orumihe othenga wa mamwene a o Edomu, Mowabu, Amoni, Tiro ni Sidoni oyeella mwa amithenga ayo enawa o Yerusalemu wa Zedekiya, mwene a o Yuda.

Yeremiya 25:22

Yaakirumattho wa mamwene mattheene o Tiro ni Sidoni navettho wa mamwene a o ellapo dda mukhwipi mwa enyanja, sika wi

2 Petro 3:7

Koma oddullu ni ellapo yavatthi erivweella ennasungiwa ni malamulo a Mulluku yaayo wi yoonongiwe ni munllo. Ddinnasungelliwa nllapo nno athu oohimullapella Mulluku eneeriiwa yeeruziwe ni woonongiwa.

2 Petro 2:9

Vano Apwiya ennadduwella waavullusa athwiiwa a Mulluku o ddoohoosa ddiwa navettho ennaadduwella waasunga athu oonanara ophiyera nllapo na echiweruzo wi yaallake.

Aheberi 2:3

Vano, ninaavulluwe mwawiidde navevulla yoovullusa yuullupalleella? Apwiya mwaneena sika yaambille ollalleya yoovullusa yeella nave ayo yawiiwalle yaanilleella wi tti ddawoona.

Yowele 3:4

“Ethiyo nyu athu a o Tiro, Sidoni ni a o ezigawo dda Filistiya, munapaalla mukeere tini? Ethiyo munakihokollosella ekaamba ya nnddo kiweerelleemini? Ddaarimi ddiri ddiiddo, nameenettho kineerewuuhokollosellani mwawaakuva.

Mateyu 11:21

“Mookhalla ni otulli nyu athu a o Korazini naarittho o Betisaida vawi ddoottikhiniha ddeeriwe wa nyuwaano ddeeriweke wa athu aweera ddoonanara o Tiro ni o Sidoni, yaaweerorukunuwa murima khalle. Yaaweerowara eziguduli ni wiihella ntuura wooniha wi yoorukunuwa murima!

Yawuupullulla 20:11

Nave kaamoona Mulluku akeraatthille vampandoni muullupalli waweella wa omwene. Ellapo yavatthi ni oddullu ddaathawa vamiitthoni vaye nave ddaarimeellattho.

Yawuupullulla 20:12

Nave kaawoona ookhwa, uullupalli ni ang'onong'ono, yiimenlle vamiitthoni va mpando woomwene. Mabukhu yaahulliwa, nibukhu nimodda nahulliwe naari nibukhu na akumi. Athu ookhwaayo yaheeruziwa moollikana ni mitteko ddiwa nnddo ddalembiwe m'mabukhunimmo.