Mateyu 11:20 - Mawu a Mulluku

²⁰ Athu a m'matawoni mmo Yesu eereeye ddoottikhiniha ddinchichi yaari oohirukunuwa murima, sika ahaamba waahumullulla.

Mateyu 11:20 ပူးပေါင်းရင်းမြစ်များ

Yeremiya 8:6

Kahaapella maaru nave kahiiwa koma kheyaallotillevo ddawoona. Khaavo arive oochimwa oyo oonihalle wi oolapa anallota wi, ‘Kenre tini mi?’ Koma arive muthu anathwara ettilla ddaye wonanko kavalo oothamakella ekhoto.

Yawuupullulla 2:21

Koomuvaha enthawi yawi arukunuwe murima koma khanapaalla ohiya oraruwa waye.

Yawuupullulla 16:11

Nave yaamullotella epewe Mulluku Muullupalli ekaamba ya ovoreya wa makhwataayo. Koma kheyaahiyalle weera machimwiiwa.

Yawuupullulla 16:9

Athu yahaavulliwa ni oviha wawoopihanngu nave yahaamba ollotella epewe nnddina na Mulluku oyo arina olamulello va millillinndda. Koma kheyaarukunuwalle murima wi emutitimiheke Mulluku.

Yakobo 1:5

Nave mmodda a nyuwaano aahikhalla ni ezeru, avekelle wa Mulluku. Aneerewaakhella vawi Mulluku annaavaha athu attheene ni murimaaye muttheene.

Mitteko 17:20

Ddimodda dda ddeko onalloteewenndda ddinooneya wi tti ddeelleto wa hiyaano nave ninapaalla wi onittaphullelle wi tti tini.”

Mariko 16:14

Vatulli viwa ahooneya wa oohuddera khumi ni mmoddaayo mvo yachiiwa. Ahaahumullulla ekaamba yoohikhulupilila ni wumma murima wiwa voohaakhulupililani ayo yamonne avenyille wa ookhwa.

Mariko 9:19

Yesu ahaakhulla wi, “Nyu athu a mbado woohikhulupililoolla! Kinaakhalle ni nyuwaano ophiyera niini? Kinuuvillelleni ophiyera niini? Wannani musombooyo wa miyaano!”

Mateyu 12:41

Va nllapo na echiweruzo athu a Nineve eneerovenya vamodda ni athu a mbadoolla. Athu a o Ninevaayo eneerewaavaanyiha athu a mbadoolla kaambiiwa alliwa yaarukunuwa murima yiiwalliiwa ollalleya wa Yona. Vano kinimuulleellani wi vookhalla mmodda vaava muullupalli oomukhwaranya Yona.

2 Akorinto 12:21

Kinoova wi kawattho Mullukwaaka aneerokiwulliha muru vamiitthoni vanyu nave kineerowinllella athu anchichi ayo yachimmwe nave khenarukunuwe murima o machimwiiwa, minkhella ddoonanara ni oraruwa.