Mateyu 10:5 - Mawu a Mulluku

⁵ Athu khumi ni eelli yaalla Yesu ahaarumiha ni malamulo awi, “Muhiyeewo o ezigawo dda athu ayo ehiri Ayuda naari o matawoni a Samariya.

Mateyu 10:5 ပူးပေါင်းရင်းမြစ်များ

Yohane 4:9

Mutthiyanoolle ahaakhulla wi, “Nyu tti Muyuda. Kaambiiwa tini munakivekeenyu maaddi miyaano Musamariya?”* (Vawi Ayuda khenaphariha mutteko makapu ni embale ddimoddamodda ni Asamariya.)

1 Atesalonika 2:16

Alliwaalla yaheeseesa onihiiha hiyaano wi nihaallalleyelleke othenga athu ayo ehiri Ayuda wi evullusiwe. Mwawi ddiidda ahaanjerera machimwiiwa a nllapo ni nllapo. Nave osha murima wa Mulluku vano woophiya va yaayo!

Luka 17:16

Aakokhora vakhuviru ni Yesu amuthokoza. Muthu yoolla aari Musamariya.*

Mitteko 10:45

Ayuda ookhulupilila ayo yavenyenre o Yopa ni Petro yaattikhina wi Mulluku aavaha emphaswaaye ya Munepa Waweella naari va athu oohikhalla Ayuda.

Luka 9:2

Nave ahaarumiha wi yallalleye dda omwene wa Mulluku ni waachiriha oovoriiwa.

Mitteko 1:8

Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.”

Yohane 20:21

Yesu aallota wiilli wi, “Murendelle okhalle ni nyuwaano. Miyaano kinuurumani nyuwaano wonanko mmo Attiitthaaka yaakirumalliiwa miyaano.”

Yohane 7:35

Attekweene a Ayuda yaakohana wi, “Anaaye wuuwi wi hiyaano nihimuphwanye. Apaalle anaaye o mizinda dda athu ayo ehiri Ayuda wi aahuddiheke yaayo, nko athwaahu epallalleyelliiwawo?

Yohane 4:5

Mu Samariyammo aaphiya mu etawoni ya Sikari vakhuviru ni nipuro nenno khallekhalle Yakobo aamuvahilleeye mwanaye Yosefe.

Luka 10:33

Nave Musamariya,* ari voolendonaaye, aavirella musewu yooyo. Aphiyalleeye vanipuronimvo aamoona muthooyo nave aamoriwa ethakaraka.

Mateyu 4:15

“We echigawo ya Zebuloni ni echigawo ya Nafutali, vamusewuni wooya o enyanja, vakhopella va Yordani, we Galileya, nko onakhalla athu oohimullapella Mulluku,

Mitteko 8:1

Nave Saulo aaniiwanana ni wiiphiwa wa Sitefanonko. Nllapo nene nenno mpingo wa o Yerusalemu wahaamba ohoosiwa wunchichi. Ookhulupilila attheene waahiya amurummwa, yaapallalleyella mu echigawo ya Yudeya ni ya Samariya.

Yohane 8:48

Ayuda yaamukoha Yesu wi, “Ethiyo ninnoottha voollotani wi, nyuwaano tti Musamariya* nave mookhalla ni munepa woonanara?”

Yohane 4:20

Makhollwaaka a o Samariya yaamullapella Mulluku vamwaangonoolla koma nyuwaano Ayuda munallota wi o Yerusalemu sika ninaphwanellaahu omullapellawo Mulluku.”

Luka 10:1

Ddimallille ddenndda Apwiya yahaatthoolla amodda 72 yaaruma eellieelli wi ehoolle oya m'matawoni mutthemwene ni m'mapuroni mattheene nko apaalleeye wi ayeewo mwaneenaaye.

Mateyu 22:3

Ahaaruma allupa muttekwaaye wi yaalleelle awiithaniwa omachellelloni wi ewe koma kheyaapanlle owa.

Mariko 6:7

Aawiithana oohudderaaye khumi ni eelli vamodda, aamba waarumiha eellieelli. Ahaavahattho olamulello wookhumiha minepa ddoonanara.

Luka 9:1

Yesu aawiithana oohuddera khumi ni eelli vamodda, aavaha masiva ni olamulello wookhumiha minepa ddoonanara ni woochiriha ereta.

Yohane 17:18

Kahaaruma alliwa mu ellapo yavatthi wonankottho mwaakirumalleenyu mu ellapo yavatthi.