Mateyu 10:40 - Mawu a Mulluku

⁴⁰ “Oyo anawaakhellani nyuwaano anakaakhellattho miyaano, oyo anakaakhella miyaano annamwaakhellattho Mulluku oyo akirumalle.

Mateyu 10:40 ပူးပေါင်းရင်းမြစ်များ

Yohane 13:20

Ddawoona, kinimuulleellani wi oyo anamwaakhella muthu oyo kinamurumeemi, anakaakhellattho miyaano. Nave oyo anakaakhella miyaano anamwaakhella oyo aakirumalle.”

Luka 9:48

Allota wi, “Nave muthu anamwaakhella mwaanoolla ekaamba ya miyaano, anakaakhella miyaano. Nave oyo anakaakhella miyaano, anamwaakhella oyo akirumalle miyaano. Vawi oyo ari mung'onong'ono mwa attheenenyu yooyo sika muullupalli.”

Luka 10:16

Vano Yesu ahaalleella athu aarumalleeyaalle wi, “Oyo anawiiwellellani nyuwaano anakiiwellella miyaano nave oyo anuukhootani nyuwaano anakikhoota miyaano nave oyo anakikhoota miyaano anamukhoota oyo akirumalle miyaano.”

Mateyu 18:5

Nave muthu anamwaakhella mwaana mmodda awi ddiidda ekaamba ya miyaano, anakaakhella miyaano.

2 Yohane 1:9

Oyo ahinasunga ehuddiho ya Khrisitu koma anoonjereravo, khanna Mulluku. Oyo anasunga ehuddiho yeella ookhalla ni Attiitthinnya ni Mwaaneene.

Yohane 20:21

Yesu aallota wiilli wi, “Murendelle okhalle ni nyuwaano. Miyaano kinuurumani nyuwaano wonanko mmo Attiitthaaka yaakirumalliiwa miyaano.”

Mateyu 25:40

“Mi, mwene, kineerewaakhulla wi, ‘Ddawoona, kinimuulleellani wi kaambiiwa mwaamweerella mmodda a aakhwaaka naari ang'onong'onwaalla, mwaakeerella yeeyo miyaano.’

1 Atesalonika 4:8

Sika vano, oyo anakhoota ehuddiho yeella khanamukhoota muthu koma Mulluku, oyo anuuvahani munepaaye Waweella.

Agalatiya 4:14

Nave naari ovoriiwa waka wahuuhoosani wunchichi nyuwaano, khamwaakinyaambusalle apaalle okikhoota. Koma mwaakaakhella wonanko mungelo oovenyera oddullu naari wonanko Khrisitu Yesu.

Yohane 5:23

wi attheene yakititimihe miyaano emoddamoddave yeeyo enaatitimiheriiwa Attiitthaaka. Oohikititimiha miyaano khenaatitimiha Attiitthaaka ayo yaakirumalle.

Mariko 9:37

“Nave muthu anamwaakhella mwaana mmodda awi ddiidda ekaamba ya miyaano, anakaakhella miyaano. Nave oyo anakaakhella miyaano, khanakaakhella miyaano koma oyo akirumalle.”

Mateyu 25:45

Miyaano kineerewaakhulla wi, ‘Ddawoona, kinimuulleellani wi ekaamba yawi mwaakhoota omurumeyella mmodda a ang'onong'onwaalla mwaakhoota okirumeyella miyaano.’

2 Akorinto 5:20

Vano hiyaano tti akazembe a Khrisitu nave Mulluku annuuvekani oweella mwa hiyaano. Vano ninnuuvekani munipuroni mwa Khrisitu wi mwaattanihiwe ni Mulluku.

1 Mamwene 18:4

Nave mvo Yezebele awiiphaaye anamallotella a Apwiya, Obadiya aawiipitthiha anamallotella 100, 50 mu nikhungunna nave 50 mu nikhungunna aanaavaha yoocha ni maaddi wenko.

Yeremiya 39:17

Koma weyaano kineerewuuvullusa nllapo nenno nave khovelleelliwa wa athu oyo onawooveewe.