Mateyu 10:3 - Mawu a Mulluku

³ Filipo* ni Bartolomeyu, Tomasi ni Mateyu ookhomiha misonkhoolle, Yakobo mwaana a Alifeyu ni Tadeo.

Mateyu 10:3 ပူးပေါင်းရင်းမြစ်များ

Mitteko 1:13

Yavollowilliiwa m'muzindanimmo yaaya o echipinda yavaddullu nko yakhalliiwawo. Amurummwaayo yaari: Petro, Yohane, Yakobo, Andreya, Filipo,* Tomasi, Bartolomeyu, Mateyu, Yakobo mwaana a Alifeyu, Simoni a mulloko wa Aziloti ni Yudasi mwaana a Yakobo.

Mariko 3:18

Andreya, Filipo,* Bartolomeyu, Mateyu, Tomasi, Yakobo, mwaana a Alifeyu, Tadeo, Simoni a mulloko wa endale wa Azelote*

Mariko 2:14

Eetilleeye oya vahoollo, aamoona Levi, mwaana a Alifeyu, akeraatthille mu enyumba yookhomihella misonkho. Aamulleella wi, “Kithware.” Nave Levi aavenya anamuthwara.

Mateyu 9:9

Yesu aavenyavo vanipuroni valle, vano eetaka, aamoona muthu, nnddina naye Mateyu, akeraatthille mu enyumba yookhomihella misonkho. Aamulleella wi, “Kithware.” Nave Mateyu aavenya anamuthwara.

Yohane 21:2

Simoni Petro, Tomasi ooromolliwa wi Didimo, Natanaele a o Kana a Galileya, anamwani a Zebedayo ni eelli amodda a oohudderaaye yaari nimodda.

Yohane 11:16

Vano Tomasi, ooromolliwa Didimo, ahaalleella oohuddera akhwaaye wi, “Hankoni niyeewo wi nakhwena vamodda ni Yesu!”

Yuda 1:1

Ovenyera wa miyaano Yuda, oorumeyella a Yesu Khrisitu ni mwanamunne a Yakobo. Kinuulembellani nyuwaano mwiithaniwe nave munakondiwa ni Mulluku Attiitthaanyu ni oteteziwa ni Yesu Khrisitu.

Yakobo 1:1

Ovenyera wa miyaano Yakobo, oorumeyella a Mulluku ni a Apwiya Yesu Khrisitu. Kinaavaha mooni athu a Mulluku a malloko khumi ni meelli yaayo yapallalleyelle va ellapo yavatthi ettheene.

Agalatiya 2:9

Yakobo, Petro ni Yohane ayo yooneya wi tti oohoollella, yaadduwella wi Mulluku aakivaha mutteko waphaama yoolla, sika yaaniphara matta miyaano ni Baranaba woonihella wi attheene naari awaattana. Nahiiwanana ni Baranaba wi naphare mutteko variyari va athu ayo ehiri Ayuda nave alliwa variyari va Ayuda.

Agalatiya 1:19

Khaavo murummwa kamoonilleemi omupatula Yakobo, mwanamunniwa a Apwiya

Mitteko 21:18

Osaka wene Paulo ni hiyaano naaya wi namoone Yakobo nave attekweene a mpingo* attheene yaari vaavo.

Mitteko 12:17

Ahiimesa nnatta naye wi emaalle nave ahaatthopoollella mmo Apwiya yamukhumihelliiwa mundende. Nave aallota wi, “Mumulleelle Yakobo ni ookhulupilila amodda ddenndda.” Nave aavenyavo aya waamodda wene.

Luka 5:27

Ddimallille ddenndda Yesu aakhuma nave aamoona ookhomiha misonkho nnddina naye Levi, akeraatthille mu enyumba yookhomihella misonkho. Aallota wi, “Kithware.”

Mitteko 15:13

Yamallihalliiwa ollotanko, Yakobo aallota wi, “Kiiwelleni miyaano, asinnaka ni arokoraka!

Yohane 14:22

Yudasi (ohiri Yudasi Isikariyoti) aallota wi, “Apwiya kaambiiwa tini mudduupullulleenyu wa hiyaano nave ohiri wa athu a ellapo yavatthi?”

Yohane 14:9

Yesu ahaakhulla wi, “Kookhalla ni nyuwaano enthawi yoorekama nave khonakidduwelleve miyaano, Filipo? Oyo akoonne miyaano oowoona Attiitthaaka, vano onallotella tini wi, ‘Nooniheni Attiitthaanyu’?

Mateyu 27:56

Mwa yaayo mwaari Mariya Magadalena ni Mariya, amennya a Yakobo ni Yosefe navettho mwaara Zebedayo.

Mateyu 18:17

Nave aahiwiiwellella yaayo, olleelle mpingo yeeyo. Voomallihellani, aahiiwellellattho mpingooyo omweeseke wonanko muthu oohimullapella Mulluku apaalle ookhomiha musonkho.

Mariko 15:40

Voorekamella vang'ono vaakhalla atthiyana amodda yoonella. Mwa atthiyanaayo mwaakhalla Mariya Magadalena, Mariya amennya a Yakobo mung'onong'ono ni Yosefe; Salome aarittho vaavo.

Luka 18:10

Aallota wi, “Waakhalla athu eelli ayo yayiille o enyumba ya Mulluku wi yavekelle. Mmoddooyo aari Mufarisi,* mmoddooyo aari ookhomiha musonkho.

Luka 18:11

“Mufarisooyo ahiimella vayeekhaaye avekella wi, ‘Mulluku kinimuuthokozani vawi ngiri wonanko athu amoddaalla ayo eri a nrima, oohikhalla ni echilungamo, ooraruwa apaalle wonanko ookhomiha musonkhoolla.

Luka 18:13

“Koma ookhomiha musonkhoolle ahiimella voorekamella naari khaatukhunlle ekhovaaye oweha oddullu koma aamoona odduukutha vakhakaddani vaye allotaka wi, ‘Mulluku mukeerelle echifundo, miyaano muthu oochimwa!’ ”

Luka 19:2

Wenko waakhalla muthu nnddina naye Zakeyu. Aari muullupalli a ookhomiha musonkho nave aakhalla ni eyuuma.

Yohane 1:48

Natanaele aamukoha wi, “Mwaakidduwenlle miyaano mwawiidde?” Yesu ahaakhulla wi, “Kaawoona weyaano vatthi va muteekho wanamukuyu, Filipo ahinawiithane.”

Yohane 14:5

Tomasi aallota ni olliyooyo wi, “Apwiya, khannadduwella nko munayeenyu. Vano ninaadduwelle mwawiidde ettilla yoophiyera wenko?”