Mateyu 10:27 - Mawu a Mulluku

²⁷ Nnddo kinuulleelleemini mwiipiphini nyuwaano munaphwanella muddiwulule vawooneya navettho nnddo muniiweenyu ddillotiwaka moonong'ona wa nyuwaano munaphwanella muddillalleye vaddullu va enyumba.

Mateyu 10:27 ပူးပေါင်းရင်းမြစ်များ

Mitteko 5:20

“Khaweni mu enyumba ya Mulluku nave mwaalleelle athu dda okumi wanaanweenoolla.”

Yohane 16:13

Koma Munepa oodduwelliha yawoona aphiya, aneerewuudduwellihani ddawoona ddittheddene. Vawi khallotaka mwa olamulello wa yeekhaaye koma anaalloteke nnddo aniiwekeeye nave aneerekewuulleellani dda ddeko ddamuhoollo.

Yohane 16:1

“Kohuulleellani nndda wi muhihiye echikhulupilwaanyu.

Mitteko 5:28

Aallota wi, “Valle nahuuhiihani wi muhihuddihe wiilli muromollaka nnddina na muthu yoolla koma moovuwiha ehuddihwaanywiilla mu Yerusalemu mutthewene nave munapaalla muniphwanyelle mullatu wawi tti hiyaano namwiiphalle!”

Yohane 16:29

Oohudderaaye yaallota wi, “Vano munnallota mwawiiweya, moohiphariha mutteko maphwanaphwaniho.

Yohane 16:25

“Kohuulleellani ddeko ddenndda mu maphwanaphwaniho. Koma enthawi enimawa yawi ngillota ni nyuwaano mu maphwanaphwaniho koma kinaallote mwawiiweya dda Attiitthaaka.

Luka 8:10

Nave ahaakhulla wi, “Wa nyuwaano woovahiwa odduwella ddookhuweya dda omwene wa Mulluku koma wa alliwaayo kinaallotella m'maphwanaphwanihoni wi woona yooneke koma ehidduwelleke nave wiiwa yiiweke koma ehiiweseseke.

2 Akorinto 3:12

Kaambiiwa nookhalla ni etiyerello yeella, khaninoova voollalleyani othenga.

Mitteko 17:17

Sika aakambirana ni Ayuda ni athu ayo ehiri Ayuda, oomullapella Mulluku, mu enyumba yamavekello. Navettho aanakambirana nirive nllapo vamusikani ni athu ayo yaari wenko.

Yesaya 22:1

Nngu sika ollotella wa dda ntapo na Masomphenya. Ethiyo yeereyille tti tini wi attheene muwelle vaddullu va enyumba?

Mateyu 24:17

Oyo ari vaatte ahiselliwe ni ovollowa mpa wi akuse ddeko ddaye.

Luka 12:3

Vano ddittheddene munalloteenyu mwiipiphini ddineerewiiweya vawooneya nave erive ello munanong'oneenyu mookhuweya mpa mwanyu omullakoni muwanllewo, ddineerollalleyiwa vaddullu va enyumba.