Mateyu 10:23 - Mawu a Mulluku

²³ Yaawuuhoosakani mu etawoni emodda thawellani mu matawoni mamoddattho. Ddawoona, kinimuulleellani wi muhinamallihe ophara muttekwaanyu mu matawoni attheene a Israele, mi Mwaana a Muthu kinaakhalle kiwiille.

Mateyu 10:23 ပူးပေါင်းရင်းမြစ်များ

Mateyu 16:28

Ddawoona, kinimuulleellani wi, aakhallavo amodda vaava khewa ekhwa ophiyera ekoonille mi, Mwaana a Muthu kiwaaka wi kilamulelle wonanko mwene.”

Mitteko 17:10

Waripalliiwa, ookhulupililaayo yahaarumiha Paulo ni Sila o Bereya. Yaphiyalliiwa, yaavollowa mu enyumba yamavekello.

Mitteko 8:1

Nave Saulo aaniiwanana ni wiiphiwa wa Sitefanonko. Nllapo nene nenno mpingo wa o Yerusalemu wahaamba ohoosiwa wunchichi. Ookhulupilila attheene waahiya amurummwa, yaapallalleyella mu echigawo ya Yudeya ni ya Samariya.

Mariko 13:26

Vano mi, Mwaana a Muthu, kineerewooneya kiwaaka vamiraponi ni masiva muullupalli ni ntitimiho.

Luka 21:27

Vano mi, Mwaana a Muthu, kineerewooneya kiwaaka vamiraponi ni masiva muullupalli ni ntitimiho.

Luka 18:8

Kinimuulleellani wi, aneerewaakuva oweeruzella millatu ddiwa wi ddiweetelle phaama. Koma ethiyo mi Mwaana a Muthu kaahokollowaka kineerophwanya echikhulupililo va ellapo yavatthi?”

Yohane 7:1

Ddimallille nndda Yesu aheetella mu Galileya. Khaapanlle weetella mu Yudeya kaambiiwa attekweene a Ayuda* yapaalla omwiipha.

Mateyu 26:64

Yesu ahaakhulla wi, “Mullotillethi nyookha. Koma kinimuulleellani attheene wi waambeella vaavo muneerokoona mi, Mwaana a Muthu, kikeraatthille o nnattanatta na Mulluku Amasiva Mattheene nave kiwaaka vamiraponi ddooddullu.”

Mateyu 24:30

Vano vaavo echizindikiro ya mi, Mwaana a Muthu, eneerewooneya muddullu. Navettho malloko mattheene a athu a va ellapo yavatthimva eneerekewinlla yaakoonaka mi Mwaana a Muthu kiwaaka vamiraponi ddooddullu ni masiva ni ntitimiho nuullupalli.

Mitteko 17:14

Enthawi yeeyo ookhulupililaayo yaamurumiha Paulo wookomella enyanja koma Sila ni Timoteo yaahalla o Bereya wenko.

Mateyu 25:13

“Sika, chenjerani vawi khamunadduwella nllapo nene apaalle enthaweene.”

Mateyu 24:48

Koma mullupa muttekoolle akhalla oonanara, aneerollota m'murimani mwaye wi apwinnya emmaselliwa.

Mateyu 24:27

Vawi mi, Mwaana a Muthu, kineeroowa wonanko ettari enasherima muddullu ovenyera wookhuma nndduwa ophiyera woovollowa nndduwa.

Mateyu 23:34

Ekaamba ya yeella kineerewuurumihellani anamallotella ni athu eezeru ni ahuddihi. Amodda a yaayo muneerowiipha, amodda muneerewaatthomeya vamutandani nave amodda muneerewaawashulla mu enyumba ddanyu ddamavekello ni waathamakiha ovenyera o etawoni emodda ophiya o etawoni emoddeeyo.

Mateyu 4:12

Yesu iiwalleeye wi Yohane oomakiwa aahokollweella o echigawo ya Galileya.

Mateyu 2:13

Alleto a wookhuma nndduwaalle erowille, mungelo a Apwiya ahooneya wa Yosefe muullohani allota wi, “Ngavenya, omukuse mwaanooyo ni amennya muthawelle o Iguputo. Wakhalle wenko ophiyera kuulleelle yaweera kaambiiwa Herode anapaalla omwiipha mwaanooyo.”

Mitteko 20:1

Mapokoswaalle yamanlliiwa, Paulo aawiithana ookhulupililaalle vamodda nave aallaanya ni mawu oollipiha murima. Nave aavenyawo aya o Masedoniya.

Yeremiya 26:21

Mwene Yehoyakimu ni oohoollellaaye attheene navettho akhotwaaye yiiwalle allotilleeyennddo yapaalla omwiipha. Uriya iiwalleeye ahoova nave aathawella o Iguputo.

Mateyu 16:27

Vawi mi Mwaana a Muthu kiri vakhuviru owa ni ntitimiho na Attiitthaaka ni angelo. Vano kineeromuthuva arive muthu moollikana ni mitteko ddaye.

Mateyu 23:36

Ddawoona, kinimuulleellani wi ollakiwa wa athu awiiphaayo onaakhalle vamuruni va athu a mbadoolla.”

Mateyu 24:34

Ddawoona, kinimuulleellani wi ddeko ddenndda ddineereweereya athu a mbadoolla amodda ehinakhwe.