Mateyu 10:1 - Mawu a Mulluku

¹ Yesu aawiithana oohudderaaye khumi ni eelli vamodda, aavaha olamulello wookhumiha minepa ddoonanara ni ochiriha ereta ddittheddene ni ddoovoriiwa ddittheddene.

Mateyu 10:1 ပူးပေါင်းရင်းမြစ်များ

Luka 10:19

Kohuuvahani olamulello woonyingalla enowa ni anamukalizi ni ogonjiha masiva mattheene a mudanaanyu. Khavikhalla ello enuuvoreyeni.

Luka 24:49

Nave kineerewuurumihellani yalonjeziwe khalle ni Attiitthaaka. Nave mutiyereke m'muzindanimmu ophiyera mwaakhenlle masiva oovenyera oddullu.”

Mitteko 1:8

Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.”

Yohane 3:27

Yohane ahaakhulla wi, “Khaavo muthu anawora okhalla ni ello aahivahiwa ni Mulluku.

Luka 6:13

Wasilliiwa, aawiithana oohudderaaye nave aatthoollavo khumi ni eelli, ayo aaromonlleeye wi amurummwa.

Luka 21:15

Vawi kineerewuuvahani yoollota ni ezeru ddawi naari adanaanyu khewora okhoota apaalle wuuvaanyihani.

Mitteko 19:15

Nave munepa woonanara mmodda waallota wi, “Kinnamudduwella Yesu, kinnadduwellattho dda Paulo koma nyuwaano ttaani?”

Yohane 17:2

Vawi mookivaha olamulello va athu attheene wi kaavahe okumi woohimalla athu attheene mwakivahilleenyu.

Yohane 6:70

Yesu ahaakhulla wi, “Kahuutthoollani nyuwaano khumi ni eelli, khe ddiiddo? Koma mmodda a nyuwaano tti Satana!”

Yohane 3:35

Attiitthinnya ennamukonda Mwaniwa nave aahiya ddeko ddittheddene mu olamulellwaaye.

Yawuupullulla 12:1

Nave oddullu wahooneya echizindikiro yuullupalli, mutthiyana oowara nndduwa, anyinganlle mweeri omanyalloni waye ni korona* ookhalla ni etheneeri khumi ni piilli omuruni waye.

Mateyu 26:47

Yesu allotaka ddiiddo, Yudasi, mmodda a khumi ni eelli a oohudderaalle aaphiya ni mulloko muullupalli wa athu ekusalle masupada ni ekoonda erumiwe ni allupa mukutho uullupalli ni attekweene a Ayuda.*

Mateyu 26:20

Nave voophiyani misikuwa Yesu ni oohuddera khumi ni eellaalle yaakeraatthi wi eche.

Mateyu 19:28

Yesu ahaalleella wi, “Ddawoona, kinimuulleellani wi mi, Mwaana a Muthu, kakeraatthi vampandonaaka wa ntitimiho mu ellapo yanaanweene, vano nyuwaanottho oohudderaaka khumi ni eelli muneerokeraatthi m'mipandoni wi muweeruze malloko khumi ni meelli a Israele.

Mateyu 6:13

Muhinikuselle woweesiwa, koma munivulluse wa Oonanarooyo.

Mateyu 4:23

Yesu aheeteeta mu Galileya mutthemwene ahuddihaka mu enyumba ddamavekello* ni ollalleya othenga waphaama wa omwene navettho waachiriha athu oovoriiwa ereta ddittheddene ni ddoovoreya ddittheddene.

Mateyu 9:35

Yesu aheeteeta m'mizi ni m'matawoni mutthemwene ahuddihaka mu enyumba ddamavekello* ni ollalleya othenga waphaama wa omwene navettho waachiriha athu oovoriiwa ereta ddittheddene ni ddoovoreya ddittheddene.

Mateyu 9:38

Vekellani wa mwaneena a ddoohatannddo wi aarumihe allupa mutteko etthukumanihe ddoohata ddaye.”