Mateyu 1:16 - Mawu a Mulluku

¹⁶ Yakobo aamuyara Yosefe, mamune a Mariya, mwa oyo Yesu ooromolliwa Mesiya,* ayariweeye.

Mateyu 1:16 ပူးပေါင်းရင်းမြစ်များ

Mateyu 27:17

Sika athwaalle etthukumanne, Pilato ahaakoha wi, “Munapaalla kuuttaphullelleni aani, Baraba apaalle Yesu ooromolliwa Mesiya?”*

Yohane 4:25

Mutthiyanoolle aallota wi, “Kinnadduwella wi Mesiya* animawa oyo aneeriwa Khrisitu. Olliyooyo awa, aneeronilleella ddeko ddittheddene.”

Luka 3:23

Yesu aphiyalleeye miyakha 30 ahaamba muttekwaaye woohuddiha. Athu yaaganiza wi aari mwaana a Yosefe, oyo aari edduullu ya Eli,

Mateyu 27:22

Pilato ahaakoha wi, “Vano keerena tini Yesu ooromolliwa Mesiya?” Attheene yahaakhulla wi, “Atthomeyiwe vamutandani!”

Luka 4:22

Athu attheene yaallota ddaphaama dda olliyooyo nave voottikhinani ni mawu oophara murima ayo aallotilleeye, yaallota wi, “Olla khe mwaana a Yosefe?”

Luka 2:48

Makhollwaaye yamoonilliiwa yaattikhina nave amennya yaamukoha wi, “Mwanaka, weerelle tini ddenndda? Attiittho ni miyaano naanakhupanya dda weyaano nawaasheewe.”

Luka 2:7

Nave aamuyara mwanaye awaamba aamullopwana. Aamuhuruwella ni ekuwo, amukonaatthiha moochella enama vawi yaarama nipuro nawi ekhallemo mu enyumba ya alleto.

Luka 1:27

Arumiwe wa namwalli nnddina naye Mariya oyo atomeliwe ni mullopwana nnddina naye Yosefe, edduullu ya Davide.

Mariko 6:3

Khe mwaana a ookhoma mataboolle? Amennya khe Mariya? Nave asinne khe Yakobo, Yosefe, Simoni ni Yudasi? Arokoraye khenakhalla vaavamva?” Sika yaamunyaambusa.

Mateyu 2:13

Alleto a wookhuma nndduwaalle erowille, mungelo a Apwiya ahooneya wa Yosefe muullohani allota wi, “Ngavenya, omukuse mwaanooyo ni amennya muthawelle o Iguputo. Wakhalle wenko ophiyera kuulleelle yaweera kaambiiwa Herode anapaalla omwiipha mwaanooyo.”

Mateyu 1:15

Eliyudi aamuyara Eliyezara; Eliyezara aamuyara Matani; Matani aamuyara Yakobo;

Mateyu 16:16

Simoni Petro ahaakhulla wi, “Nyu tti Mesiya,* Mwaana a Mulluku Ookumi.”

Mateyu 16:20

Vano Yesu ahaalamulella oohudderaalle wi ehimulleelle arive muthu wi olliyooyo tti Mesiya.