Masalimo 99:8 - Mawu a Mulluku

⁸ Nyu Apwiya Mullukwaahu, mwaanawaakhulla, mwaari Mulluku owaakhululukella, koma oollaka mitteko ddiwa ddoonanara.

Masalimo 99:8 ပူးပေါင်းရင်းမြစ်များ

Numeri 20:12

Apwiya yaamulleella Mose ni Aroni wi, “Vawi khamwaakikhulupilinle nave khamoonihalle vamiitthoni va Aisraele wi miyaano tti aweella, khamwaavollochiha athwaalla mu ellapo eyo kaavahilleemi.”

Masalimo 89:33

Koma ngiwa kimuvenyihella echikondaaka yoohisintheya, ngiwa kikhalla oohiroromelleya wa olliye.

Yeremiya 46:28

Apwiya enallota wi, “We Yakobo, oorumeyellaaka, ohoove vawi mi kiri ni weyaano. Kineerotthollosa mitundu ddittheddene dda athu a ellapo nnddo kawiikarelleemiwo. Koma we nguutthollosa, komave nguuhiya oohuullaka, kinuullake mweechilungamo.”

Oollalleya 7:29

Kaddiphwanyilleemi tti ddawi Mulluku voomuphatusani muthu aamuvaha murima woolungama koma athu enathwara ettilla ddayiwaddayiwa ddinchichi.

Aroma 1:21

Vawi naari edduwenlle dda Mulluku, khenamutitimiha moophwanellella naari omuthokoza. Nave maganizwiiwa tti oohikhalla ni mutteko nave mirima ddiwa ddookarangeya ddooddalla ni epiphi.

Zefaniya 3:7

Kaganiza wi athwaaka ennakoova, khetiwalla malamulwaaka, eneerewuupuwella ehuddihwaaka. Koma sika vano ettepilliiwa weera ddoonanara va mitteko ddiwa ddittheddene.”

Deuteronomo 3:26

Koma Apwiya yaakinanariwella miyaano ekaamba ya nyuwaano nave kheyaakiiwellelle. Munipuroni mwene yallotille wi, ‘Vookwakhwana! Ohillotettho ddenndda!

Numeri 20:24

“Aroni khavollowa mwiillaponi eyo kinaavaheemi Aisraele. Aneerokhwa ekaamba yawi eelliinenyu khamwiiwellelle lamulo naka omaaddini a o Meriba.

Eksodo 32:2

Sika Aroni ahaalleella athwaayo wi, “Arulleni awarinyu, aniinyu aallopwana ni aatthiyana endolo ddagolide ovenyera omaaruniiwa nave muweena wa miyaano.”

Eksodo 34:7

Alliwa tti eechikondi wa mibado ddooheerengeya nave tti ookhululukella ddoolakwa, ddoonanara ni machimo. Koma tti oohihiyerera oochimwa nave ennaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese.”

2 Samuele 12:14

Koma vawi vaweerani ddenndda mwahaavevulla Apwiya ni murima muttheene, mwaana oyo anaayariwooyo aneerokhwa.”

Masalimo 78:38

Koma vawi Mulluku tti eechifundo, ahaakhululukella machimwiiwa, khaawoonongille. Wiilliwiilli aanahokollosa murima woohaanaariwella, khaakhullella wi ashe murima.