Masalimo 99:7 - Mawu a Mulluku

⁷ Yaanallotana mu opoto amurapo, yaanasunga malamulo ni malangizo yaavahilliiwa.

Masalimo 99:7 ပူးပေါင်းရင်းမြစ်များ

Eksodo 33:9

Mose avollowille mumusasani mulle, opoto amurapo aanakittha atiitha vamullakoni va musasooyo nave Apwiya yaanallota ni Mose ovenyera m'muraponimmo.

Numeri 12:5

Apwiya yaakittha m'muraponi yiimella va mullako wa musasa emwiithana Aroni ni Miriyamu nave eellaayo yaasuserawo.

Deuteronomo 4:5

“Kahuuhuddihani malamulo ni malangizo mattheene moollikana ni mmo Apwiya Mullukwaaka yaakilamulelliiwa. Mwiillaponi eyo munaavolloweenyumo ni waakha, mwiiwellelleke malamulo yaalla.

Aheberi 3:2

Olliye aari oororomelleya wa Mulluku oyo amutthoonlle, wonanko Mose aariiyettho oororomelleya va muttekwaaye mu enyumba ettheene ya Mulluku.

Miyambo 28:9

Oyo anakhoota wiiwellella malamulo mavekellwaaye ennamunanara Mulluku.

Masalimo 105:28

Apwiya yaarumiha epiphi yawoopiha wunchichi koma Aiguputo yaawukila mawiiwa.

Deuteronomo 33:9

Alliwa yaanuuroromellani nyuwaano okhwaranya makhollwiiwa, abaliiwa apaalle aniiwa. Alliwa yahiiwellella malamulwaanyu nave yaaroromella echipanganwaanyu.

Eksodo 40:16

Mose aheera ddittheddene moollikana ni mmo Apwiya yamulamulelliiwa.

Eksodo 19:9

Apwiya yaamulleella Mose wi, “Kineeroowa wa weyaano m'muraponi woottika wi athwaayo ekiiweke kaallotaka ni weyaano wi yuukhulupilileke enthawi ddittheddene.” Vano Mose ahaalleella Apwiya nnddo yallotille athwaayo

Numeri 16:15

Vano Mose aasha murima wunchichi nave ahaalleella Apwiya wi, “Muhinaakhella mikutho dda athu yaalla. Ngiwaakhille naari bulu mmodda nave ngimulakwenlle naari mmodda a alliwaayo.”