Masalimo 99:4 - Mawu a Mulluku

⁴ Nyu mwene amasiva, ookonda echilungamo, mookeraatthiha ddoollikana, weeruza woolungama mwa Yakobo.

Masalimo 99:4 ပူးပေါင်းရင်းမြစ်များ

Masalimo 11:7

Vallethi Apwiya tti oolungama, ennakonda ddaweera ddoolungama, oolungama eneerewoona ekhoviiwa.

Yawuupullulla 19:16

Va yoowaraaye ni vakasambarani vaye vaalembiwa nnddina nawi, “Mwene a mamwene ni Apwiya a apwiya.”

Yeremiya 23:5

Apwiya enallota wi, “Enimawa mallapo kinaamuphuwihelleemi Davide enthambi yoolungama eyo enaakhalle mwene eezeru ni aweeruza mweechilungamo ni moohiweha ekhove mwiillaponimmu.

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

Yobu 37:23

Amasiva Mattheene khaniwora omwaatamella, tti muullupalli m'masivani ni mu echilungamo, tti oolungamesesa wawi khani ahoose.

Deuteronomo 10:18

Ennaweeruzella phaama akhwaadduni ni anaamukhwelle nave ennaakonda alleto vawaavahani yoocha ni yoowara.

Yawuupullulla 19:11

Kahoona oddullu ohulleyille nave kavalo aweella ahooneya. Oomuwella oyo nnddina naye aari Oororomelleya ni Awoona, oyo aneeruza ni owana ekhotwaaye mwa echilungamo.

Yuda 1:15

Eneeroowa wi eweeruze athu attheene nave eneerokamulla wi attheene oohaakhulupilila alliwa tti oochimwa ekaamba ya mitteko ddiwa ddoonanara eneeriiwa yaachimwaka navettho ekaamba yawi yaamullotella epewe olliye.”

Yesaya 61:11

Wonanko mmo ethaya enamellihelliiwa mmiddo navettho wonanko mmo emata enunnuwihelliiwa ddawaalla, emoddamoddave yeeyo Apwiya Mulluku eneereweera echilungamo ni ntitimiho niwa vamiitthoni va athu attheene.

Yesaya 42:4

Khafookella apaalle otathilla murima ophiyera ekeraatthihalle echilungamo va ellapo yavatthi, ellapo ddawoorekama ddinatiyerella malamulwaaye.”

Masalimo 98:9

vamiitthoni va Apwiya vawi enimawa wi yeeruze ellapo yavatthi. Eneereweeruza ellapo ettheene mweechilungamo, mitundu ddittheddene moohiweha ekhove.