Masalimo 94:4 - Mawu a Mulluku

⁴ Attheene aweera ddoonanara ennallota mwawiitukhulla, ennakota.

Masalimo 94:4 ပူးပေါင်းရင်းမြစ်များ

Masalimo 31:18

Akhurumuseni athu attheene awoottha oollota mwawiitukhulla ni mowaavevulla athu oolungama.

Masalimo 52:1

We amasiva kaambiiwa tini onakotelleewe ddoonanara, echikondi yoohisintheya ya Mulluku tti yoohimalla?

Daniele 7:25

Aneerollota mawu oomuhumullulla Mulluku Amasiva Mattheene nave aneerewaahoosa aweella. Aneereweeseesa osintha mallapo a ehakallallo ni malamulo a mallapello. Nave aweella enaakhalle m'mattani mwa omwene yoolla wa miyakha miraru ni hafu.

Masalimo 140:3

Ennaandusa nllumi niwa wi nikhalle wonanko na enowa, muwano mwiwa mookhalla nttipwi na enowa ya namarawe.

Mateyu 12:34

Nyu enowa! Munaawore mwawiidde ollota ddaphaama muri oonanara? Vawi eyano enallota nnddo ddiddanlle m'murimani.

Mateyu 12:24

Koma Afarisi yiiwalliiwa nndda, yaallota wi, “Tti Belezebulu,* muullupalli a minepa ddoonanara, anamuvaha Yesu masiva ookhumiha minepa ddoonanara.”

Daniele 8:11

Nahaamba wiitukhulla wunchichi ophiyera opaalla ollipana ni mwene a milloko ddooddullu. Naahiiha mikutho nnddo ddavelleelliwa wa olliye nllapo ni nllapo nave naakumulla enyumba yoomullapellamo mwene.

Daniele 7:11

Sika kaawehesesa ekaamba ya mawu awiitukhulla oollotiwa ni nnyakanne. Kiwehaka ddiiddo, yookumeelle yahiiphiwa nave mutembwiiwa wahoonongiwa ovokhelliwa viikho.

Daniele 7:8

Kiwehaka manyakaayo, kahoona nnyaka nimodda ning'onong'ono nimellaka variyari va manyakaayo. Manyaka mararu mwa awaambaalle yaatulliwa wi nimoddanno niphwanye nipuro. Nnyaka nenna naakhalla ni miittho wonanko a muthu navettho eyano eyo yallota ddawiitukhulla.

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

Miyambo 30:14

Vookhalla amodda miinwiiwa tti wonanko nsupada apaalle mpeni wi yaattakhune oohoowa waavenyiha va ellapo yavatthi, oopaneya variyari va akhwiiwa.

Masalimo 59:12

Ekoliwe ni okota wiwa, ekaamba ya mawu a muwano mwiwa ni mawu avayanoni viwa, kaambiiwa ennatembelela nave ennalleka.

Masalimo 59:7

Ayo eri nko, ennatokollolla wunchichi, ennakhuwa mweepewe, kaambiiwa m'murimani mwiwa ennallota wi, “Ttaani ananiiwa.”

1 Samuele 2:3

Nyu athu, muhinallotaka mwawiitthamalla, vayanoni vanyu vihinallotaka ddawiitukhulla vawi Apwiya tti Mulluku eezeru, olliye sika aneeruza mitteko dda athu.

Yobu 20:5

Ethiyo khonadduwella wi ohakallalla wa oonanara khonallekella, othapella wa oohimoova Mulluku tti wa enthawi yooyeva?

Masalimo 125:5

Koma athu ayo enathwara ettilla ddiwa ddookhoromana, Apwiya eneerowiikarihella nko ori athu oochimwa. Murendelle okhalle ni Israele.