Masalimo 94:20 - Mawu a Mulluku

²⁰ Ethiyo oolamulella oonanara ttuuwaattana ni nyuwaano, ayo enakhoromaniha malamulwaanyu?

Masalimo 94:20 ပူးပေါင်းရင်းမြစ်များ

Yesaya 10:1

Otulli wa athu ayo enakeraatthiha malamulo oohilungama ni olemba ddawaahoosa athu.

Masalimo 58:2

Iyaayi, mirima ddanyu ddinaganiza ddoonanara, echiweruzwaanyu yoohilungama ennawiiha echiwawa.

Yohane 11:57

Vano allupa mukutho uullupalli ni Afarisi yaalamula wi muthu mmodda adduwella nko ariiyewo, aalleelle wi yammake.

Oollalleya 3:16

Emodda koonilleemi vatthimva tti yawi, nko ori echiweruzo yaphaama onnakhallattho oonanara murima, nko ori echilungamo onnakhallattho ddoonanara.

Mika 6:16

Moosunga makhallello oonanara a mwene Omuri ni mitteko ddittheddene dda nibanja na Ahabu. Ekaamba yawi moothwara ettilla ddiwa ddittheddene, miyaano kineerewuutthollosani. Mitundu ddimodda dda athu oneerekewuusoonyani nave orive weko athu eneerewuuvevullani.

Amosi 6:3

Khamunaakhullella ddawi nineerophiya nllapo noollaka koma ddaweera ddanyu ddinimaakuviha enthawi ya echiwawa.

Yohane 9:22

Makhollwaayaayo yaallotille ddenndda kaambiiwa yawoova attekweene a Ayuda vawi Ayudaayo yahiiwanana khalle wi arive muthu oyo anaallote wi annakhulupilila wi Yesu tti Mesiya* ahaakhullelliweke ovollowa mu enyumba yamavekello

Oollalleya 5:8

Wawoona athu oohoowa ehoosiwaka mwiillaponi navettho yaakhiwaka murendelliiwa ni echilungamo mweekuku, ohittikhine. Vallethi oowehera muullupalli ookhallana mmodda muullupalli wunchichi oyo anamuwehera. Navettho vookhalla uullupalli wunchichi amodda ayo enaawehera.

Masalimo 50:16

Koma wa oonanara Mulluku anallota wi, “Oniihoosella tini ni oromolla malamulwaaka? Kaambiiwa tini vayanoni vawo vinallotiiwa dda echipanganwaaka?

Yohane 18:28

Vano osaka wene ohinase Ayuda yaamukusa Yesu ovenyera wa Kayafa emuyaana o nthato namillatu na Aroma. Ayuda kheyaavollowillemo munthatonimmo wi ehiripihiwe kaambiiwa yapaalla wi yachena yoocha ya Paska

Masalimo 52:1

We amasiva kaambiiwa tini onakotelleewe ddoonanara, echikondi yoohisintheya ya Mulluku tti yoohimalla?

1 Mamwene 12:32

Vano Yerobowamu aakeraatthiha nllapo na ehakallallo va nllapo na khumi ni sese na mweeri waneetthanu ni raru, noophwanaphwana ni nllapo na ehakallallo yeereya o Yuda. Aanavelleella mikutho wa mafano a asaanaang'ombe vanikuwani o Betele. Vano o Betelinko ahaahiyawo allupa mukutho o mapuro oollapellamo ayo aapangilleeye.

Masalimo 82:1

Mulluku annahoollella mutthukumano wooddullu, annakamulla millatu dda milluku.

1 Samuele 22:12

Nave Saulo aallota wa Ahimeleki wi, “Okaapelle maaru, weyaano mwaana a Ahitubi.” Olliye ahaakhulla wi, “Ee, Apwiya.”

Miyambo 28:9

Oyo anakhoota wiiwellella malamulo mavekellwaaye ennamunanara Mulluku.