Masalimo 94:2 - Mawu a Mulluku

² Nyu aweeruza ellapo yavatthi, venyani, ahokolloselleni ookota ddawaaphwanella.

Masalimo 94:2 ပူးပေါင်းရင်းမြစ်များ

Masalimo 7:6

Apwiya venyani moosha murima, mullipane ni adanaaka oowalli. Tthupulluwani nyu Mullukwaaka, lamulani wi echilungamo yeereye.

2 Akorinto 5:10

Vawi hiyaano attheene ninaphwanella ophiyera vamiitthoni va Khrisitu wi neeruziwe ni olliyooyo. Arive muthu aneerothuviwa moollikana ni erive ello eerilleeye, yaphaama apaalle yoonanara.

Masalimo 31:23

Nyu athu oolungama attheene, akondeni Apwiya. Apwiya ennaateteza athu oororomelleya, koma ennahokollosella ddoonanara awiitukhulla.

Genesis 18:25

Ddawoona, khamuwiipha athu oolungama ni oohilungama. Yeella tti yooheereya! Ethiyo aweeruza a ellapo yavatthi ettheene khanaphwanella weera echilungamo?”

1 Petro 5:5

Emoddamoddave yeeyo asombwe nyu, munaphwanella muwiiwellelleke attekweenaanyu. Nave attheenenyu munaphwanella mwiiyeviheke wi murumeyellaneke vawi mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Mika 5:9

Nyu Aisraele, muneerewaagonjiha adanaanyu nave attheene eneerewoonongeya.

Daniele 4:37

“Sika mi Nebukadinezara kinnamutthamalla Mulluku, kinnamuthokoza ni omutitimiha mwene Ooddullu. Ddaweera ddaye ddittheddene tti ddaphaama nave ettilla ddaye ddittheddene tti ddoolungama. Olliye annamuyeviha arive muthu awiitukhulla.”

Yesaya 37:29

Ekaamba yawi waakishella murima, wiitukhulla wawo wahiiweya wa miyaano, kineeromedda ephunaawo ni embeza, kineerohiya mukoko muwano mwawo, kineerewuuhokollosella mutulli vooweetihani ettilla waweelleewe.’ ”

Yesaya 37:23

Ethiyo we okhanlle omuvevullaka ni omullotella epewe? Ethiyo ttaani omukhuwenlleewe ni omuweha mwawiitukhulla? Khe mmodda koma Aweelloolle a Israele!

Yesaya 10:12

Apwiya yamalliha muttekwiiwa wowaallaka attheene va mwaango wa Ziyoni ni o Yerusalemu, eneeromullakattho mwene a o Asiriya ekaamba ya okota ni wiitukhulla waye.

Yesaya 2:17

Okota wa athu oneeromalla wiitukhulla wiwa otthewene oneerewoonongiwa. Apwiyave sika enaariihiwe nllapo nenno.

Masalimo 74:22

Nyu Mulluku venyani, hankoni mwiiteteze vamullatuni vanyu. Upuwellani wi athu eepewe ennuunyemullani nllapo nittheene.

Masalimo 68:1

Mulluku avenya adanaaye ennapallalleya, attheene enamwiita emmathawa vamiitthoni vaye.

Masalimo 50:6

Ddamuddullu ddinnallalleya dda echilungamo ya Mulluku vawi olliye sika ari aweeruza.

2 Epilli 20:12

Nyu Mullukwaahu, ethiyo yaalla khemwaallaka? Vawi hi kheninna masiva awi ttuullipanana athu enaanihelle ekhoto. Kheninna yaweera koma miitthwaahu eri va nyu.”

Masalimo 82:8

Nyu Mulluku, venyani, eruzani ellapo yavatthi, vawi mitundu dda athu ddittheddene tti ddaanyu.