Masalimo 93:1 - Mawu a Mulluku

¹ Apwiya sika mwene, alliwa aawara ntitimiho, aamakella masiva wonanko laamba. Yaakeraatthiha ellapo yavatthi, khewa etikheya.

Masalimo 93:1 ပူးပေါင်းရင်းမြစ်များ

Masalimo 96:10

Llalleyani wa mitundu ddittheddene dda athu wi, “Apwiya sika mwene. Ellapo yavatthi yaakeraatthihiwa moollipa, khewa etikheya. Eneereweeruza mitundu ddittheddene dda athu mweechilungamo.”

Masalimo 99:1

Apwiya tti mwene, mitundu dda athu dditthukumelle! Ennakeraatthi variyari va akerubi,* ellapo yavatthi etikheye!

1 Epilli 29:12

Eyuuma ni olemu ddinavenyera wa nyuwaano. Munnalamulella ddittheddene ni masiva ni ekophollo nave munnamweeriha arive muthu okhalla muullupalli ni amasiva.

Yawuupullulla 19:6

Nave kahiiwa onyakulla wonanko wa mulloko muullupalli wa athu, awiiweya wonanko onyakulla wa maaddi manchichi navettho wonanko ogugudeya wa murimu wuullupalli. Kaawiiwa ellotaka wi, “Aleluya! Vawi Apwiya, Mullukwaahu Amasiva Mattheene, sika ari mwene!

Masalimo 103:19

Apwiya aakeraatthiha mpandwiiwa woomwene oddullu, omweniiwa onnalamulella erive ello

Masalimo 65:6

Nyuwaano mwahooniha masivaanyu, vookeraatthihani miyaango, voowaapheelliwani ni ekophollo.

Yesaya 45:18

Apwiya ayo yaphatusalle ddooddullu, Mulluku oyo oopille ni ophatusa ellapo yavatthi, ayikeraatthiha mwamasiva, khaayipangille wi muhikhalle ello koma wi ekhalle nipuro nookhallamo athu, enallota wi, “Mi sika Apwiya, khaavottho mmodda.

Yesaya 45:12

Mi sika kaphatusalle ellapo yavatthi ni omuphatusa muthu wi akhallekemo. Kahaanddellella ddooddullu ni mattaaka, kinnalamulella ddittheddene ddooddullu.

Masalimo 97:1

Apwiya sika mwene, athu a va ellapo yavatthi ehakallalle, athu attheene a mukhwipi mwa enyanja ethapelle.

Masalimo 59:13

Muwoononge moowallaanyu, muwoononge wi etthollowe, wi athu edduwelle wi Mulluku sika anamulamulella Yakobo ophiyera omalla wa ellapo yavatthi.

Aheberi 1:8

Dda Mwanaye, Mulluku allotille wi, “Nyu tti Mulluku, omwenaanyu onaakhalle wa enthawi yoohimalla! Munalamulella va athwaanyu mwa echilungamo.

Yesaya 59:17

Yaawara echilungamo wonanko yoowara yawiitetezella ekhakadda nave ovullusa wonanko echipewa yawiitetezella omuruni. Yaawara ohokollosella ddoonanara wonanko mukanjo nave osha murima wiwa wonanko yawiikhuneelliiwa.

Yesaya 49:8

Apwiya enallota wi, “Enthawi kinaaganizeemi ddawuukondella kineerowaakhulla, nllapo na ovullusa kineerewuukavihera. Kineerewuusunga wi okhalle echipangano wa athu wi kiyihokolloselle mwakhalle ellapo, oyikawakawa yoohallana yawoonongeya.

Yesaya 11:5

Echilungamo enaakhalle laambaaye, ororomelleya onaakhalle yoomakella muyuununi mwaye.

Masalimo 145:13

Omwenaanyu tti omwene wa enthawi yoohimalla, olamulellwaanyu tti wa mibado ddittheddene. Apwiya tti oororomelleya va mawiiwa mattheene, tti eechifundo va ddaweera ddiwa ddittheddene.

Masalimo 18:32

Mullukoolla sika annakivaha masiva, annakivenyihella ddawoopiha muttillani mwaka.

Yobu 40:10

Ddaarimi ddiri ddiiddo ireerihe ni omwene ni oriiheya, iwarihe weekha olemu wunchichi.

Mateyu 6:13

Muhinikuselle woweesiwa, koma munivulluse wa Oonanarooyo.

Yesaya 63:1

“Ethiyo ttaani anavenyera o Edomu, awanre ddoofiira dda o Bozira? Ethiyo ttaani awanre ddoowara ddooreera, aneeta mookotella masivaaye?” Tti miyaano oollalleya echilungamo ni amasiva oovullusa.

Yesaya 52:7

Tti woohakallalliha owa wa oollalleya othenga waphaama, voomoonani eetaka m'miyaangoni, allalleyaka dda murendelle, awaakana epilli yaphaama, allalleyaka ovullusa, aalleellaka athu a o Ziyoni wi, “Mullukwaanyu tti mwene!”

Yesaya 51:9

Nyu Apwiya, venyani, venyani, llipani murima! Venyani wonanko mu mallapo akhalle, enthawi ya mibado ddakhalle. Ethiyo khe nyuwaano mwamuphanddephanndde Rahabu oyo ahomille enama yawoopiha ya mu enyanja?

Masalimo 75:3

Ellapo yavatthi yaatikheyaka ni ddittheddene ddookhalla mwemmo, tti miyaano kinaaseera apotwiiwa.

Yesaya 51:16

Kaahiya mawaaka muwano mwanyu, kahuutetezani ni nnatta naka. Kahaanddellella ddooddullu, kaakeraatthiha matthipello a ellapo yavatthi. Kahaalleella athu a o Ziyoni wi, ‘Muri athwaaka.’ ”

1 Epilli 16:30

tthukumellani vamiitthoni viwa, nyu athu attheene a va ellapo yavatthi, ddawoona, ellapo yavatthi yookeraattheya moollipa, yoohitikheya!

1 Epilli 16:31

Ddooddullu ddihakallalle, ddavatthimva ddithapelle! Alleelleni athu attheene wi, “Apwiya sika enalamulella!”

Masalimo 65:7

Munnamaalliha onyakulla wa enyanja ni orindimuwa wa mafunde ni othiya owaruni wa mitundu dda athu.