Masalimo 92:9 - Mawu a Mulluku

⁹ Vawi ngoonani adanaanyu, nyu Apwiya, adanaanyu eneerewoonongeya, attheene aweera ddoonanara eneeropallalleya.

Masalimo 92:9 ပူးပေါင်းရင်းမြစ်များ

Masalimo 37:20

Koma athu oonanara eneerotthollowa, adani a Apwiya eneeronyaalla wonanko malluwa, eneerorimeella wonanko mwiisi.

Masalimo 89:10

Mwaamunyenya Rahabu wonanko mutembo, mwaahapallallesa adanaanyu ni muwonwaanyu wa masiva.

Luka 21:24

Amodda a yaayo eneerewiiphiwa ni masupada, amodda a yaayo eneerophariwa okaporo oya ellapo ddinchichi ddoohiyanahiyana. Nave Yerusalemu aneerewoonongiwa ni athu oohimullapella Mulluku ophiyera enthawiiwa emanlle.

Luka 19:27

Vano wa adanaaka ayo yahipaalla wi kikhalle mweniiwa, akuseni muweena wuno nave muwiiphe kiwoonaka!’ ”

Mateyu 7:23

Vano kineerewaalleella wi, ‘Nguudduwenlleni naari vang'ono. Mukivenyerevo, nyu athu aweera ddoonanara!’

Ezekiele 5:12

Emodda mwa ezigawo ddiraru dda athwaanyu eneerokhwa ni mullilli apaalle ni ettalla. Echigawo emodda eneerewiiphiwa ni nsupada nawaapheella muzinda muttheene. Nave echigawo emodda kineeroyipallallesella ephevo o embali ddisesenndde voowiikarihani ni nsupada naka noohullulluwa.”

Yesaya 17:13

Akhoto a mitundu ddimodda ennawa ni othuruma wonanko maaddi manchichi. Koma Apwiya ennaahumullulla nave eneerothawella woorekama. Eneerewiikarihiwa wonanko nthupi noovava ni ephevo va miyaango, wonanko mallulla oovava ni namangalle.

Masalimo 73:27

Attheene ayo eri wuuteete ni nyuwaano eneerewoonongeya, oohuuroromellani muneerowoononga.

Masalimo 68:30

Humullullani enama yawoopiha yookhalla mu epango, enduna ni athwiiwa, ayo enakhalla wonanko mulloko wa anankhoro a eng'ombe owaaka asaanaang'ombe. Anyingallelleni ayo enapaalla makobiri moonanara apallalleseni athu ookonda ekhoto.

Masalimo 59:11

Muhinawiiphella vaava, woova wi athwaaka enaatiwalle, koma mwaapallallese ni masivaanyu nave mwaakuhe, Nyu Apwiya, oonitetezaahu.

Masalimo 1:4

Koma athu oonanara kheri ddiiddo, tti wonanko mallulla oovava shisha.

Oweeruza 5:31

“Nyu Apwiya, adanaanyu ekhweke etathiyeke ddiidda, Koma akhwiinyu ekhalle oowala wonanko nndduwa, nookhuma mwamasivaaye.” Vano ellapweeyo yaakhalla vamurendelleni miyakha 40.

Deuteronomo 28:64

Nave Apwiya eneerewuupallallesani variyari va mitundu ddittheddene ovenyera woomallihella omodda wa ellapo yavatthi ophiyera woomallihella omoddattho. Wenko munaarumeyelleke milluku ddimodda, ddamiteekho ni ddamalluku, nnddo nyuwaano ni makhollwaanyu mwahiddidduwenlleenyu waambeella khalle.

Numeri 10:35

Erive enthawi nibokosi na echipangano naatimullaka, Mose aanallota wi, “Nyu Apwiya venyani, mwaamware adanaanyu. Attheene awiitana ni nyuwaano ethawe vamiitthoni vanyu.”

Levitiko 26:33

“Kineerowiikarihani ni nsupada. Nave kineerewuupallallesani variyari va mitundu ddimodda nave Ellapwaanyu khekhalla ni athu nave mizinda ddanyu ddineerotthattuwa matepe.

Masalimo 97:9

Nyu Apwiya Amasiva Mattheene, tti oolamulella ellapo yavatthi ettheene, okhwaranya milluku ddittheddene.

Masalimo 102:13

Muneerovenya ni omumorella ethakaraka Ziyoni vawi enthawi yoomweerella echifundo yoophiya.

Masalimo 102:25

vawaamba valle mwaaphatusa ellapo yavatthi, ddooddullu tti mitteko dda mattaanyu.