Masalimo 92:12 - Mawu a Mulluku

¹² Athu oolungama eneerophuwa wonanko mikwarangwa, eneerewunnuwa wonanko mikunguza dda o Lebanoni.

Masalimo 92:12 ပူးပေါင်းရင်းမြစ်များ

Masalimo 1:3

Muthooyo ari wonanko muteekho, wowaalliwa mukhwipi mwa muhinje, wowimma mu enthawi yaphaama, oyo makatthiiwa ehinanyaalla. Ddaweera ddaye ddittheddene ddinnamweetella phaama.

Yeremiya 17:8

Ari wonanko muteekho wawaalliwa mukhwipi mwa muhinje, woorapa misisi ddiwa museresere mwa maaddi. Khonoova enthawi yooviha ekaamba yawi makukhwiiwa khenanyaalla. Va enthawi yoorama murimu khonakhupanya, khonahiya wimma ezipaso.”

Masalimo 104:16

Miteekho dda Apwiya ddinnahellelliwa wunchichi, mikunguza dda o Lebanoni nnddo yaddanlliiwa.

Masalimo 52:8

Koma miyaano kiri wonanko muteekho mukitthi wa olivi mu enyumba ya Mulluku. Murimaaka onakhalla va echikondaaye yoohisintheya enthawi ettheene.

Numeri 24:6

Ddiri wonanko matapo oorekama, wonanko emata dda mukhwipi mwa muhinje, wonanko ddoomella dda aloe* ddawaalliwa ni Apwiya, wonanko miteekho ddamukunguza mukhwipi mwa maaddi.

Amosi 2:9

Komathi tti mi kawoonongille Aamori, Aisraele yoonaka yaphiyiiwa valle naari alliwaayo yaari oorekama wonanko mukunguza, naari yaari amasiva wonanko miteekho dda muthundu. Kahoononga ezipaso ddiwa m'miteekhoni ni misisi ddiwa vatthi.

Yesaya 65:22

Kheyaamakella enyumba athu amodda wi ekhallekemo nave kheyaalla mipesannddo wi athu amodda echeke ezipaso ddiwa. Athwaaka eneerokhalla ni okumi woorekama wonanko miteekho. Nave athwaaka ootthoolliwa eneerohakallalla ni mitteko dda mattiiwa enthawi yoorekama.

Masalimo 72:7

Va mallapwaaye echilungamo eneerewunnuwa, murendelle oneerewaata ophiyera mweeri ohiyalle owala.

Yesaya 55:13

Nko vano ori miteekho ddamiiwa oneeromella paini, nko ori kakande oneeromella miteekho ddamuchisu. Ddenndda ddinaakhalle yawuupuwella ya mi Apwiya, wonanko echizindikiro yoohimalla, yoohithiimiheya.”

1 Mamwene 6:29

Va esiri ddittheddene, muwari ni otte wene, aagobamo ezithunzi dda akerubi ni dda miteekho ddakanjeza ni malluwa.

Masalimo 92:7

Athu oonanara naari ephuweke wonanko manasi, oochimwa ddeko ddiweetelleke phaama, yayiwa tti echiwonongeko yoohimalla.

1 Mamwene 4:33

Aanahuddiha dda miteekho, waambeella muteekho wamukunguza wa o Lebanoni ophiyera makukhu ahisope* oomella vasirini. Aanahuddihattho dda enama, epallame, ehomba ni ddawaapadda.

Masalimo 148:9

nyu miyaango ni asimiyaango ddittheddene, nyu miteekho dda ezipaso ni mikunguza ddittheddene,

Estere 9:5

Sika Ayuda yaawiipha adaniiwa attheene ni masupada. Yaawiipha ni owoononga nave yaweerana ayo yawiita moollikana ni mmo yapaallelliiwa.

Masalimo 37:34

Atiyere Apwiya, sunga ettilla ddiwa, vano eneerewuuwelliha vawuuvahani ellapo yavatthi nave oneerowoona oonanara yoonongeyaka.

Mika 7:10

Adanaaka vawoonani ddenndda eneerowulliwa muru vawi yaanallota wi, “Ari wuuwi Apwiya Mullukwaawo?” Vano kineerewoona ni miitthwaaka enyingallelliwaka wonanko matokwi m'musewuni.