Masalimo 91:4 - Mawu a Mulluku

⁴ Eneerewuukhuneella ni muuphellwiiwa, oneerophwanya moothawellamo m'muuphelloni, ororomelleya wiwa onnateteza wonanko echishango.

Masalimo 91:4 ပူးပေါင်းရင်းမြစ်များ

Masalimo 61:4

Kinapaalla kikhalle mpa mwanyu enthawi yoohimalla, Kinakhwella kiipitthe vatthi va muuphellwaanyu.

Masalimo 57:1

Mukeerelle echifundo, nyu Mulluku, mukeerelle echifundo, vawi kinnathawella wa nyuwaano. Kinnathawella vatthi va muuphellwaanyu ophiyera woononga oviralle.

Masalimo 17:8

Mukipwathe wonanko niittho nanyu, mukikhupaarelle ni muuphellwaanyu,

Deuteronomo 32:11

wonanko mmo mpungu onaahuddihelliiwa anaaye ovava, oyo onaapheella vaddullu va anaayaayo, onattaphurusa muuphellwiiwa voovavani waakusa ni waatukhullella va muuphellwiiwa.

Masalimo 35:2

Kusani ddawiitetezella, akuvani mukikavihere.

Genesis 15:1

Ddimanlle nndda, Apwiya yaamooneyella Abramu mu masomphenya. Yaamulleella wi, “Ohoove Abramu, mi tti echishangwaawo. Yoothuviwaawo enaakhalle yuullupalli.”

Mateyu 23:37

“Yerusalemu, Yerusalemu! Athwaawo ennawiipha anamallotella nave ennaavokha malluku owiipha athu yarumihelliwiiwa ni Mulluku! Tti mallapo makavi kapanlleemi waakhupaarella athwaawo attheene wonanko mwanakhu anaakhupaarelleeye asaanaaye vatthi va muuphellwaaye koma nyuwaano khamwaapanlle!

Rute 2:12

Apwiya yuuhokolloselle ddaphaama nnddo weerilleewe. Apwiya Mulluku a Aisraele yuuvahe emphaso yuullupalli vawi woowa wa alliwa wi yuuteteze.”

Tito 1:2

mootiyerella okumi woohimalla, oyo Mulluku oohoottha, aanilonjezilleeye enthawi ehinaambe.

Mariko 13:31

Oddullu ni ellapo yavatthi ddineeromalla koma mawaaka khemalla.

Masalimo 138:2

Kinnakokhora moowarama, owiitthoni wa enyumbaanyu yaweella. Kinnatitimiha nnddina nanyu ekaamba ya echikondaanyu yoohisintheya ekaambattho ya ororomelleya wanyu. Mohunnuwiha nnddina nanyu navettho mawaanyu aakhwaranya erive ello.