Masalimo 91:1 - Mawu a Mulluku

¹ Muthu ookhalla mu mpanda wa Amasiva Mattheene, oyo anakhalla m'muuthuuchinaaya,

Masalimo 91:1 ပူးပေါင်းရင်းမြစ်များ

Masalimo 32:7

Nyuwaano tti woothawellawo waka, munnakiteteza mu ddookatamiha, munnakaapheelliha ni okhuwa wa ovullusa.

Masalimo 27:5

Va nllapo na ddookatamiha eneerokivittha, eneerokisunga muwari mwa enyumbiiwa, eneerokiteteza vanllukuni noorekama.

Masalimo 36:7

Nyu Mulluku, echikondaanyu yoohisintheya tti yoowallamella mutengo, athu ennathawella m'muuthuuchini wa muuphellwaanyu.

Masalimo 17:8

Mukipwathe wonanko niittho nanyu, mukikhupaarelle ni muuphellwaanyu,

Masalimo 31:20

Munnaavittha vanipuroni muriinyu, munnaaseera o echiwembu ya adaniiwa. Munnaavittha ni waateteza phaama wi athu ehikanganekena.

Yesaya 25:4

Nyu tti voothawella va oohoowa, mpanda wa athu oorama va enthawi ya ddoohoosa. Muri wonanko vawiipitthellavo namondwe, wonanko muuthuuchi wawiithuuwellavo nndduwa. Eekuku eri wonanko namondwe awoopa vasirini,

Masalimo 121:5

Apwiya sika awuutetezaawo, Apwiya sika muuthuuchaawo wa o nnattanatta nawo.

Yesaya 32:2

Arive muthu mwa alliwa anaakhalle wonanko voothawellavo ephevo apaalle nipuro noomwiipitthellavo namondwe. Enaakhalle wonanko mihinje ddaweeta mu ellapo yawumma apaalle muuthuuchi wa nlluku nuullupalli mu echipululu.

Masalimo 90:1

Nyu Apwiya, tti mookhallamo mwahu va mibado ddittheddene.

Masalimo 57:1

Mukeerelle echifundo, nyu Mulluku, mukeerelle echifundo, vawi kinnathawella wa nyuwaano. Kinnathawella vatthi va muuphellwaanyu ophiyera woononga oviralle.

Maliro 4:20

Oozoziwa* a Apwiya ayo aari mpweya wookumi, aamakiwa m'musamphani mwiwa. Oyo nalloteehu wi, “Mu muuthuuchaaye nneerokhalla variyari va athu amitundu ddimodda.”

Masalimo 52:8

Koma miyaano kiri wonanko muteekho mukitthi wa olivi mu enyumba ya Mulluku. Murimaaka onakhalla va echikondaaye yoohisintheya enthawi ettheene.

Masalimo 25:13

Yooyo aneerokhalla ni okumi woohakallalla, edduullu ddaye ddineerewaakhella ellapo wi ekhalle yayiwayayiwa.

Nchipo na Solomoni 2:3

Wonanko mapulosi variyari va miteekho dda muutthakoni, sikattho ookondiwaaka variyari va asombwe. Kinnahakallallesesa vawiithuuwani va muuthuuchaaye, ddinnanang'aneya muwanommu ezipaso ddaye.

Ezekiele 11:16

“Sika alleelle akaporo akhwaawo wi mi Apwiya Mulluku kinallota wi kohaarumiha woorekamellana ni athu a mitundu ddimodda ni waapallallesella o ellapo ddimodda. Vano kinaasungave o ellapo nnddo yapharelliwiiwawo.”

Yesaya 8:14

vawi enaakhalle wonanko nipuro noopatuleya. Koma wa athu a o Yuda ni a o Yerusalemu enaakhalle wonanko nlluku nookwakwatuwiha apaalle nookuha. Wa athu a mu Yerusalemu, anaakhalle wonanko musampha ni nikhatto.

Oweeruza 9:15

Muteekho wamiiwa wahaakhulla wi, ‘Mwaarimi mupaallaka ni murimaanyu muttheene wi mi kikhalle mwenaanyu, waawoni mwiipitthe m'muuthuuchini mwakammu. Koma mwaaheera ddiiddo munllo oneerokhuma mwa miyaano ni oshellelliha miteekho dda mikunguza dda o Lebanoni.’ ”