8 Moohiya machimwaahu vamiitthoni vanyu, ddoonanara ddahu ddoovittheya mooddoonihella vaweella.
Miitthwaaka ennoona makhallellwiiwa mattheene oonanara nave tti oohiipittheeya vamiitthoni vaka. Khaniivo naari nichimo nimodda nno kihinanidduwelleemi.
Vallethi Mulluku aneereweeruza ddittheddene ddaweereya, ddaphaama apaalle ddoonanara naari ni ddoovittheya ddene.
Ethiyo muthu ttuuwiipittha vootiitheya wi mi kihimoone? Ethiyo mi ngiri viriveveko, oddullu ni va ellapo yavatthi?
Ttaani anaadduwelle ddoolakwa ddaka? Nyu Apwiya, muhuwe ddoochimwa ddaka ddawiipittheya.
Nave kaawoona ookhwa, uullupalli ni ang'onong'ono, yiimenlle vamiitthoni va mpando woomwene. Mabukhu yaahulliwa, nibukhu nimodda nahulliwe naari nibukhu na akumi. Athu ookhwaayo yaheeruziwa moollikana ni mitteko ddiwa nnddo ddalembiwe m'mabukhunimmo.
Naari murimaahu waanivaanyihaka, ninnadduwella wi Mulluku tti muullupalli ohiyana ni murimaahu nave wi annadduwella erive ello.
Oonanara m'murimani mwaye anallota wi, “Mulluku khanapwathawo, ookhuneella owiitthoni, khakoona.”
Sika muhimweeruze arive muthu enthawi yoophwanella ehinakwakhwane, owa wa Apwiya. Eneerewooniha ddawiipittheya dda mwiipiphini nave eneerewuupullulla maganizo a athu. Nave attheene eneerewaakhella ntitimiho naye na wa Mulluku.
Nave vano moollikana ni othenga waphaama kinallalleyeemi, mmu sika ddinaakhallelliiwa va nllapo nno Mulluku aneeruzeeye ddookhuweya m'mirimani mwa athu attheene oweella mwa Khrisitu Yesu.
Vano Apwiya yaakikoha wi, “We mwaana a muthu, ethiyo onnoona nndda eneera attekweene a Aisraele mwiipiphinimmu? Arive muthu anallapella nifano na Asherimu. Anallota wi, ‘Apwiya khenanoona! Apwiya aayihiya ellapweella!’ ”
Vawi ettilla dda muthu ddiri vamiitthoni va Apwiya. Ennoonesesa misewu ddaye.
Adanaanyu aawuhella munllo, aawuuha, aweheni alliwaayo moonanariwa wi yoonongeye.
Weyaano waheera ddeko ddenndda, miyaano kaamoona oweha, Waganiza wi kinnaphwanaphwana ni weyaano, koma vano kinnuuhumullulla ni owoonihella nnddo weerilleewe.
Miitthwaaye eri va ettilla dda muthu, annawehesesa meetellwaaye mattheene.
Vano nichimonno nadduwanyeya, olliyooyo avelleelle mukutho wa nankhoro a epuri yoohirakalla.
Vano nichimonno nadduwanyeya, olliyooyo avelleelle mukutho wa epuri yaamutthiyana yoohirakalla.
Munnakiwehesesa kaachimwaka, khamunapaalla okikhululukella machimwaaka.
Apwiya ehikhululuke machimwiiwa wa enthawi yoohimalla, Koma athwaayo etiwalleye va ellapo yavatthi.
Naari omuhapelle soda apaalle sopo munchichi, wummellella wa machimwaawo onnooneyave vamiitthoni vaka. Mi Apwiya Mulluku koollota.