Masalimo 9:9 - Mawu a Mulluku

⁹ Wa Apwiya tti woothawellawo athu oophittiwa, tti woovulluwellawo enthawi ya ddawoopiha.

Masalimo 9:9 ပူးပေါင်းရင်းမြစ်များ

Miyambo 18:10

Nnddina na Apwiya niri wonanko nttattha noollipa, oolungama annathamakella athawellamo.

Nahumu 1:7

Apwiya tti aphaama, sika woothawella va enthawi ya ddoohoosa, ennaadduwella attheene oothawella wa alliwa.

Masalimo 32:7

Nyuwaano tti woothawellawo waka, munnakiteteza mu ddookatamiha, munnakaapheelliha ni okhuwa wa ovullusa.

Masalimo 46:1

Mulluku sika woothawella waka ni masivaaka, tti ookhozeka onikavihera va enthawi ya ddookatamiha.

Masalimo 62:8

Nyu athu, hiyani murimaanyu va olliye enthawi ettheene, mumulleelle ddittheddene dda m'murimani mwanyu. Mulluku sika woothawella wahu.

Masalimo 37:39

Ovullusiwa wa oolungama onavenyera wa Apwiya. Apwiya sika woothawellawo wiwa va enthawi ya ddookatamiha.

Masalimo 18:2

“Apwiya sika nlluku naka, mpandaaka ni oovullusaaka. Alliwa tti Mullukwaaka, nlluku naka kinathawelleemiwo. Sika echishangwaaka, masiva ookivullusa ni yookiipitthihaaka.

Luka 13:34

“Yerusalemu, Yerusalemu! Athwaawo ennawiipha anamallotella nave ennaavokha malluku owiipha athu yarumihelliwiiwa ni Mulluku! Tti mallapo makavi kapanlleemi waakhupaarella athwaawo attheene wonanko mwanakhu anaakhupaarelleeye asaanaaye vatthi va muuphellwaaye koma nyuwaano khamwaapanlle.

Yesaya 8:14

vawi enaakhalle wonanko nipuro noopatuleya. Koma wa athu a o Yuda ni a o Yerusalemu enaakhalle wonanko nlluku nookwakwatuwiha apaalle nookuha. Wa athu a mu Yerusalemu, anaakhalle wonanko musampha ni nikhatto.

Masalimo 50:15

Muvekelle wa miyaano va nllapo na ddookatamiha, miyaano kineerewuuvullusani nave muneerokititimiha.”

Masalimo 46:7

Apwiya Amasiva Mattheene eri ni hiyaano, Mulluku a Yakobo sika woothawella wahu.

Masalimo 20:1

Apwiya ewaakhulleni va enthawi ya ddoohoosa, nnddina na Mulluku a Yakobo nuuteteze.

Deuteronomo 33:27

Apwiya sika woothawellawo, annuusunga ni muwonwaaye woohimalla. Aawiikariha adani vamiitthoni vawo, ahuulleella wi owoononge attheene.

Aheberi 6:18

Mwawi ddiidda vookhalla ddeko piilli nndda, ollupella ni olonjeza. Khaddisinthiwa nave ddinnooniha wi Mulluku khoottha. Sika wa hiyaano nathawenlle wa olliye naaphwanya ollipihiwa murima wuullupalli wi niphare moollipa etiyerello eyo ninaakhelleehu muhoollo.

Yesaya 32:2

Arive muthu mwa alliwa anaakhalle wonanko voothawellavo ephevo apaalle nipuro noomwiipitthellavo namondwe. Enaakhalle wonanko mihinje ddaweeta mu ellapo yawumma apaalle muuthuuchi wa nlluku nuullupalli mu echipululu.

Masalimo 108:12

Nikavihereni ollipana ni adanaahu vawi nikavihero na muthu tti noohikhalla ni mutteko.

Masalimo 142:4

Kaweha o nnattanatta, khaavo naari mmodda anapwatha dda miyaano, khawiiwo wawi kithawellewo, khaavo muthu ookikavihera.

Masalimo 48:3

Mulluku ari muwari mwa muzindooyo, ooddooniha yeekhaaye wi tti ooteteza.

1 Epilli 16:33

Miteekho dda muutthakoni ddiipeke moohakallalla vamiitthoni va Apwiya Vawi enimawa wi yeeruze ellapo yavatthi.

Masalimo 7:9

Pepaani, mallihani ddoonanara dda oochimwa, koma aphaama mwaakeraattheyihe. Munnadduwella maganizo ni mirima ddene, nyu tti Mulluku oolungama.

Masalimo 67:5

Nyu Mulluku, mitundu dda athu dduutitimiheni, athu attheene yuuthokozeni.

Masalimo 96:10

Llalleyani wa mitundu ddittheddene dda athu wi, “Apwiya sika mwene. Ellapo yavatthi yaakeraatthihiwa moollipa, khewa etikheya. Eneereweeruza mitundu ddittheddene dda athu mweechilungamo.”

Masalimo 98:9

vamiitthoni va Apwiya vawi enimawa wi yeeruze ellapo yavatthi. Eneereweeruza ellapo ettheene mweechilungamo, mitundu ddittheddene moohiweha ekhove.