Masalimo 9:8 - Mawu a Mulluku

⁸ Eneeruza ellapo yavatthi ettheene moolungama, ennakamulla millatu dda athu moohiweha ekhove.

Masalimo 9:8 ပူးပေါင်းရင်းမြစ်များ

Masalimo 96:13

vamiitthoni va Apwiya, vawi enimawa wi yeeruze ellapo yavatthi. Eneereweeruza ellapo ettheene mweechilungamo, athu a mitundu ddittheddene mwawoona.

Masalimo 98:9

vamiitthoni va Apwiya vawi enimawa wi yeeruze ellapo yavatthi. Eneereweeruza ellapo ettheene mweechilungamo, mitundu ddittheddene moohiweha ekhove.

Aroma 2:16

Nave vano moollikana ni othenga waphaama kinallalleyeemi, mmu sika ddinaakhallelliiwa va nllapo nno Mulluku aneeruzeeye ddookhuweya m'mirimani mwa athu attheene oweella mwa Khrisitu Yesu.

Mitteko 17:31

Vawi ootthoolla nllapo nawi eeruze ellapo yavatthi ettheene ni echilungamo mwa muthu amutthoonlleeye. Ohoonihella yeella wa arive muthu voomuvenyihani muthu yoolla wa ookhwa!”

Genesis 18:25

Ddawoona, khamuwiipha athu oolungama ni oohilungama. Yeella tti yooheereya! Ethiyo aweeruza a ellapo yavatthi ettheene khanaphwanella weera echilungamo?”

Masalimo 99:4

Nyu mwene amasiva, ookonda echilungamo, mookeraatthiha ddoollikana, weeruza woolungama mwa Yakobo.

Masalimo 94:15

Echilungamo eneerohokollweella o echiweruzo, athu aweella murima eneeroyithwara.

Masalimo 50:6

Ddamuddullu ddinnallalleya dda echilungamo ya Mulluku vawi olliye sika ari aweeruza.

Eksodo 15:18

Nyu Apwiya, muneerokhalla mwene wa enthawi yoohimalla.”

Masalimo 10:16

Apwiya sika mwene wa enthawi yoohimalla. Mu ellapo ya Mulluku, oohimullapella eneerotthollowa.

Masalimo 29:10

Apwiya ennalamulella enyanja yoowallamella ddittheddene, ennakhalla va mpando woomwene wa enthawi yoohimalla.

Yeremiya 10:10

Koma nyu Apwiya, tti Mulluku awoona, tti Mulluku Ookumi navettho Mwene a enthawi yoohimalla. Ellapo yavatthi ennatikheya ni owallaanyu, athu a mitundu ddimodda khewora ovillella ni osha murima wanyu.