Masalimo 9:2 - Mawu a Mulluku

² Kineerohakallalla ni othapella ekaamba ya nyuwaano, kineerewiipa otetheella nnddina nanyu, nyu Amasiva Mattheene.

Masalimo 9:2 ပူးပေါင်းရင်းမြစ်များ

Masalimo 83:18

Edduwelle wi nyeeneve, nnddina nanyu tti Apwiya Amasiva Mattheene oolamulella ellapo yavatthi ettheene.

Masalimo 5:11

Koma ehakallalleke attheene ayo enathawella wa nyuwaano, yiipeke moohakallalla enthawi ettheene. Mwaakhupaarelle, wi ookonda nnddina nanyu ehakallalle mwa nyuwaano

Masalimo 7:17

Miyaano kineeromuthokoza Mulluku Amasiva Mattheene, ekaamba ya echilungamwaaye. Kineerewiipa machipo owaatitimiha Apwiya, Amasiva Mattheene.

Masalimo 97:9

Nyu Apwiya Amasiva Mattheene, tti oolamulella ellapo yavatthi ettheene, okhwaranya milluku ddittheddene.

Masalimo 28:7

Apwiya sika masivaaka, alliwa tti echishangwaaka. Murimaaka onnaaroromella, vawi alliwa aakikavihera. Sika murimaaka woohakallalla, kinnathokoza ni echipwaaka.

Afilipi 4:4

Hakallallani mu eyaattano ni Apwiya enthawi ddittheddene! Kinallotattho yeella wi, hakallallakani!

Masalimo 97:12

Nyu oolungama hakallallani mwa Apwiya, thokozani nnddina niwa naweella.

Masalimo 92:1

Tti waphaama waathokoza Apwiya, wiipella nchipo nnddina nanyu, nyu Amasiva Mattheene.

Daniele 5:18

Nyu amwene, Mulluku ooddullu ahaavaha attiitthaanyu Nebukadinezara masiva, eyuuma ni omwene.

Masalimo 92:4

Nyu Apwiya, mookihakallalliha ni ddaweera ddanyu, kinnakhuwa ni ohakallalla ekaamba ya mitteko dda mattaanyu.

Masalimo 43:4

Vano kineerooya o nikuwa na Mulluku, wa Mulluku oyo anakivaha ohakallalla wavaddullu, kineerewuutitimihani ni gitala, nyu Mullukwaaka, nyu Mullukwaaka.

Masalimo 27:6

Kineerewaapambana adanaaka ookaapheella, kineerovelleella mukutho mu enyumbiiwa, kineerokhuwa ni ohakallalla, kineerewiipa ni waatitimiha Apwiya.

Masalimo 26:7

Kinniipa nchipo noothokoza, kinnallalleya mitteko ddanyu ddoottikhiniha.

Masalimo 86:12

Nyu Apwiya Mullukwaaka, kinnuuthokozani ni murimaaka muttheene, kineerotitimiha nnddina nanyu wa enthawi yoohimalla.

Masalimo 96:3

Llalleyani dda ntitimiho niwa wa athu a mitundu ddittheddene. Tthopoollani dda ddoottikhiniha ddiwa wa athu a ellapo ddittheddene.

Masalimo 138:1

Nyu Apwiya, kinnuuthokozani ni murimaaka muttheene ni wiipa machipo awuutitimihani vamiitthoni va milluku.