Masalimo 9:18 - Mawu a Mulluku

¹⁸ Koma ohoowa khetiwalliwa wa enthawi yoohimalla, etiyerello ya oophittiwa kheyoonongeya wa enthawi yoohimalla.

Masalimo 9:18 ပူးပေါင်းရင်းမြစ်များ

Masalimo 12:5

Ekaamba yawi oohoowa ahaakhiwa ddayiwa, oorama ddeko ennakhupanya, Apwiya enallota wi, “Vano kineerohiyavo nnatta naka, kineerewaavullusa mmo enapaallelliiwa.”

Miyambo 23:18

Vawi oneerothuviwa nave yootiyeraawo khelepheleya.

Miyambo 24:14

Odduwellettho wi ezeru tti yawi ddiiddo va okumaawo. Wayiphwanya, oneerokhalla ni muhoollo mwaphaama nave etiyerellwaawo khelepheleya.

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

Masalimo 102:20

wi yiiwe wiipullella wa athu a mu endende wi yaavulluse ayo yaphwanenlle wiiphiwa.

Luka 6:20

Yesu ahaaweha oohudderaaye nave allota wi, “Oodalisiwa tti nyuwaano muri oohoowa, vawi munnahakallalla ni madaliso a omwene wa Mulluku.

Luka 1:53

Athu oohoowa ohaakwakhwanihella ni ddeko ddaphaama, nave athu eeyuuma ahaahokollosa ahaavahille ello.

Masalimo 109:31

Apwiya enniimella onnattanatta na muthu oopaneya, omuvullusa wa athu ookamulla wi wiiphiwe.

Masalimo 102:17

Eneeropwatha nivekello na athwiiwa ootathilliwa, khevevulla ovekella wiwa.

Masalimo 72:4

Mwene aneerewaateteza oohoowa, aneerewaavullusa oopaneya, koma aneerowoononga awaahoosa akhwiiwa.

Masalimo 71:5

Nyu Apwiya Mulluku, tti oyo kinamutiyerelleemi, oyo kinamuroromelleemi waambeella enamwanaaka.

Masalimo 9:12

Vawi oohokollosella nikhame, annawuupuwella oohoosiwa, khanatiwalla winlla wiwa.

Masalimo 50:22

Vano ganizani phaama nndda, nyu ayo munamutiwalla Mulluku wi kineerewuukhaddullani, khaavothi anaawuuvulluseni.

Masalimo 139:19

Nyu Mulluku, wakhalla wooworeya woonongeni athu oonanara, kivenyiherenivoni athu oomoriha nikhame.