Masalimo 9:17 - Mawu a Mulluku

¹⁷ Athu attheene oonanara, mitundu ddittheddene ddimutiwanlle Mulluku ddineerooya o ellapo ya ookhwa.

Masalimo 9:17 ပူးပေါင်းရင်းမြစ်များ

Masalimo 50:22

Vano ganizani phaama nndda, nyu ayo munamutiwalla Mulluku wi kineerewuukhaddullani, khaavothi anaawuuvulluseni.

Yobu 8:13

Emoddamoddave yeeyo ni oomutiwalla Mulluku, etiyerello ya oohimullapella Mulluku ennamalla.

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

Yeremiya 18:15

Kheddiiddo! Koma athwaaka aakitiwalla, enoosella lubani* milluku ddawoottha nnddo ddaakwakwatuwiha mu ettilla ddaka ddakhalle, eneeta mu ettilla ddamuhakani, ohiya musewu waphaama.

Yeremiya 13:25

Muneerewaakhella ollaka nko kuukeraatthihelleemini ekaamba yawi mookitiwalla nave munaroromella milluku ddawoottha.

Yeremiya 2:32

Ethiyo namwalli ttuutiwalla ddawiireerihella ddaye apaalle ootthella ttuutiwalla ddoowara ddaye ddookwati? Komave athwaaka aakitiwalla wa mallapo ooheerengeya.

Yawuupullulla 20:15

Attheene ayo manddiniiwa yahilembiwe mu nibukhu na akumi yaavokhelliwa munyanja ya munllo.

Yesaya 5:14

Ekaamba ya yeella o ellapo ya ookhwa khonavona, onnaatthama wi omwaakhelle arive muthu. Athu oovuwa a mu Yerusalemu ni athu shisha anchichi eneeromorellamo ni olezela wiwanko.

Yesaya 3:11

Koma otulli wa athu oonanara! Ddeko ddineerewaakatamiha vawi nnddo ekhanlliiwa eweerellaka akhwiiwa ddineerewaahokollweella.

Miyambo 14:32

Athu oonanara ennatathilliwa ni ddoonanara ddiwa koma oolungama ennateteziwa ni echilungamwiiwa.

Masalimo 106:13

Koma vihinallekelle yaatiwalla mitteko ddaye, kheyaatiyerille malangizwaaye.

Masalimo 49:14

Enaphwanella oya o ellapo ya ookhwa wonanko enkhosa, okhwa oneerokhalla mbusiiwa. Athu oolungama eneerewaapambana, eneerokittha oya omahame, miilli ddiwa ddineerewunta, owaniwa oneerokhalla omahame.

Masalimo 44:20

Natiwanlleke nnddina na Mullukwaahu, omullapella mulluku eelleto,

Hoseya 2:13

Kineeromullaka ekaamba yawoosa lubani* wa mafano a Abaala ni ehakallallo ddiwa. Anniireeriha voowarani emphete ni mikhova ddoowallamella mitengo wi athamakelleke ezibwenzi ddaye akitiwalla miyaano. Mi Apwiya koollota.”

Yeremiya 3:21

Mawu ahiiweya va asimiyaango, Aisraele eniminlla ni oveka echifundo, vawi aathwara ettilla ddoonanara, ahaatiwalla Apwiya Mullukwiiwa.

Masalimo 44:17

Ddittheddenendda ddoonimorella, naari nahuutiwanlleni, apaalle otathilla echipanganwaanyu.

Yobu 5:13

Annaamaka atambwali ni musampha wa owaraalla wiwa, annakukureyiha mwawaakuva ddoolinga ddiwa.

Miyambo 5:22

Ddoonanara dda muthu ddineeromuphara yeekha nave aneeromakiwa ni mikwe dda ochimwa waye.

Ezekiele 22:16

Kineerewuuvevulla vamiitthoni va athwaayo. Vano oneerodduwella wi mi tti Apwiya.”