Masalimo 9:16 - Mawu a Mulluku

¹⁶ Apwiya aadduupullulla weekhiiwa vaweeruzani moolungama. Athu oonanara aamakiwa mu musampha wooreya weekhiiwa.

Masalimo 9:16 ပူးပေါင်းရင်းမြစ်များ

Eksodo 7:5

Sika Aiguputo eneerodduwella wi mi tti Apwiya, kaallaka nave kaakhumiha Aisraele mwiillaponi mwiwammo.”

Yesaya 8:15

Nave athu anchichi aneerokwakwatuwa ni wiikuha. Eneeromakiwa m'musamphani ni ophariwa.”

Miyambo 12:13

Athu oonanara ennakoliwa ni mawu avayanoni viwa koma oolungama ennakhuma mu ddookatamiha.

Oweeruza 1:7

Vano Adonibezekoolle aallota wi, “Mamwene 70 oophaddeya eyaalla dduullupalli dda m'mattani ni ddam'manyalloni yaanatota enyenyeri vatthi va tebulwaaka. Vano Mulluku ookihokollosella nnddo kaaweerelleemi,” Vano aakuselliwa o Yerusalemu. Nave aakhwella wenko.

Eksodo 14:4

Kineeromummiha murima Farao nave aneerewaathwara Aisraelaayo. Koma kineeromugonjiha Farao ni akhotwaaye attheene wi kititimihiwe nave Aiguputo attheene eneerodduwella wi mi tti Apwiya.” Vano Aisraele yaheera ddittheddene moollikana ni mmo Apwiya yaalleellelliiwa.

Miyambo 6:2

wakoliwa ni mawu a muwano mwawo, waphariwa ni malonjezwaawo,

Masalimo 48:11

Athu a o mwaango wa Ziyoni ehakallalle, a o Yuda ehakallalle ni echiweruzwaanyu yoolungama.

Masalimo 19:14

Mawaaka ni maganizwaaka yaakhullelleye vamiitthoni vanyu, nyu Apwiya, nlluku naka ni oovullusaaka.

Masalimo 11:6

Apwiya eneerewaarumihella oonanara munllo ni sulufure wonanko murimu. Eneerewaallaka ni ephevo yooviha moollikana ni ddaweera ddiwa.

Masalimo 5:1

Apwiya, apellani maaru mawaaka, kiiwellelleni wiipullella waka.

2 Mamwene 19:19

Sika nyu Apwiya Mullukwaahu, munivulluse wa muthu yoolla wi mitundu ddittheddene dda va ellapo yavatthi ddidduwelle wi nyuwaano nyookha tti Apwiya Mulluku.”

1 Samuele 17:46

Ollello vaava Apwiya eneerokikavihera wi kuugonjihe. Kineerewuukuha ni wuuphadda murwaawo. Mitembo dda akhoto a Afilisti, kineeroddivahella epallame ddamuddullu ni enama ddamuhakani wi athu a ellapo ettheene edduwelle wi wookhalla Mulluku o Israele.

Eksodo 14:31

Yahoona masiva muullupalli ayo Apwiya yoonihalliiwa vawaagonjihani Aiguputwaalle. Sika yahaamba owoova Apwiya nave yaanaakhulupilila Apwiyaayo ni Mose oorumeyelliiwa.

Eksodo 14:10

Vano Farao aatamelle, Aisraelaalle yaawoona Aiguputwaalle yaathwaraka nave yahoova wunchichi, yaambella winlla mookhuwa wa Apwiya.

Yesaya 28:13

Ekaamba ya yeella Apwiya eneerekewuuhuddihani vang'ono vang'ono, lemba nimoddanimodda, muzere mmoddammodda, ehuddiho emoddeemodda wi mukhumuwe vaweeta. Muneerophoreya, muneeromakiwa m'musamphani nave eneerewuukusani wuukaporoni.

Masalimo 140:9

Adanaaka ookaapheella ehikigonjihe, mawiiwa ootembelela yaarukunuwelle.

Masalimo 92:3

voowiipani machipo ni echida ya enthambo khumi, gitala ni zeze.

Yobu 18:9

Musampha woomukola etotopwa, nikhatto noommaka.

Masalimo 7:16

Sika ddoonanara ddiwa ddinnaarukunuwella, ekukwiiwa ennaahokollweella aneeniiwa.

Daniele 6:25

Vano Dariusi ahaalembella athu a ellapo ddittheddene, mitundu ddittheddene ni ellotello ddoohiyanahiyana va ellapo yavatthi ettheene allota wi, “Murendelle waate variyari vanyu!