Masalimo 9:13 - Mawu a Mulluku

¹³ Apwiya, mukeerelle echifundo, ngoonani enakihoosella ookiita. Munnakivullusa wi kihikhwe,

Masalimo 9:13 ပူးပေါင်းရင်းမြစ်များ

Masalimo 86:13

Vawi echikondaanyu yoohisintheya va miyaano tti yuullupalli nave mwahaakihera okumaaka o woowallamella wa ellapo ya ookhwa.

Masalimo 30:3

Nyu Apwiya, mookikhumiha mu ellapo ya ookhwa, mookihokollosella okumi wi kihikitthelle o mahame.

Maliro 1:11

Athwaaye attheene enniipullella vawaashani yoocha vawi eyuumiiwa enaakakhaniha ni yoocha, wi ephwanyettho masiva. Aninlla wi, “Nyu Apwiya, kiweheni, moone mmo enakivevullelliiwa.”

Maliro 1:9

Ottawaaye waanooneyella vaweella, olliye khaaganizera dda otullaaye wamuhoollo. Sika ekaambiiwa omora waye waari wawoopiha, nave khaavo anamukhurumusa murima. Olliye anallota wi, “Nyu Apwiya, onani ohoosiwa waka, vawi adanaaka aapambana.”

Yesaya 38:10

Kaanaganiza wi kiri musombwe mukitthikitthi, kineerotthaamella o ellapo ya ookhwa, kineeromallihella wenko miyakha ddaka ddoohalla.

Masalimo 142:6

Iwani winlla waka, vawi kootathilla murima. Kivulluseni wa athu ookihoosa, kaambiiwa aakikhwaranya masiva.

Masalimo 119:153

Wehani ohoosiwa waka, kaakihereni vawi nginatiwalla malamulwaanyu.

Masalimo 119:132

Kiwehereni nave mukeerelle echifundo moollikana ni mmo munaweerelleenyu athu awuukondani.

Masalimo 56:13

Vawi mohaakihera okumaaka wa okhwa, mooseera manyallwaaka wi ehikwakwatuwe. Sika kineeta vamiitthoni va Mulluku mu owala wa okumi.

Masalimo 51:1

Nyu Mulluku mukeerelle echifundo, moollikana ni echikondaanyu yoohisintheya. Muvuhellelle machimwaaka, moollikana ni echifundwaanyu yuullupalli

Masalimo 38:19

Adanaaka tti akumi ni amasiva, tti anchichi ayo enakiita vihiri ekaamba.

Masalimo 25:19

Onani waata wa adanaaka, waata wa okiita wiwanko.

Masalimo 13:3

Mukuupuwelle, mukaakhulle, Apwiya Mullukwaaka, llipihani miitthwaaka wi kihikhwelle wiirulloni.

Nehemiya 9:32

Vano sika nyu Mullukwaahu tti Mulluku Amasiva Mattheene ni awoopiha, munnasunga echipangano ekaamba ya echikondaanyu yoohisintheya. Muhivevulle ddoohoosa nnddo ddinimorelle hiyaano, mamwenaahu, enduna ddahu, allupa mukuthwaahu, anamallotellaahu, makhollwaahu ni athwaanyu attheene ovenyera mu enthawi ya mamwene a o Asiriya ophiyera ollello.

Yohane 2:6

Ayuda aakhalla ni malamulo a meellihello. Nave ekaamba ya yeella vaakhalla mino dditthanu ni mmodda. Orive muno woophwanella oddalla ni maaddi owaatamella malita 100.

Masalimo 107:18

Erive yoocha yaanaweetiha murima, yahanlle vang'ono okhwa.

Genesis 4:9

Sika vano Apwiya yaamukoha Kaini wi, “Ethiyo mung'onong'onwaawo Abele ari wuuwi?” Olliye ahaakhulla wi, “Nginadduwella. Ethiyo mi tti mullupa mutteko oomuwehera mung'onong'onwaaka?”

Genesis 4:10

Apwiya yaamukohattho wi, “Ethiyo weerille tini? Nikhame na mung'onong'onwaawo ninnakinllella miyaano ovenyera muthayani.

1 Mamwene 21:19

Vano wamulleelle wi Apwiya enuukoha wi, ‘Ethiyo khewiiphalle ni waakhattho?’ Wamulleellettho wi Apwiya eni ‘Vanipuroni mvo anapwa yallanddiiwa nikhame na Naboti, vaavottho eneerollanndda nikhame nawo.’ ”

2 Mamwene 9:26

‘Ddawoona, moollikana ni mmo koonelleemi wiiphiwa wa Naboti ni anaaye oddillo, kinuulleella wi kineerowuuhokollosella ddoonanara yeella va emata vaava.’ Sika mukuseni mumvokhelle m'matanimmu moollikana ni nnddo yallotille Apwiya.”

2 Epilli 24:22

Sika mwene Yowashi khuupuwelle ddaphaama nnddo Yehoyada attiitthinnya a Zekariya amweerelleeye koma aamwiipha mwanaye. Nave vookhwani aallota wi, “Apwiya ennoona nave ehokolloselle!”

Masalimo 10:12

Apwiya, venyani! Mulluku, onihani masivaanyu, muhinaatiwalla oohoosiwa.

Masalimo 12:6

Mawu a Apwiya tti aweella, wonanko siliva aweekiwa phaama, aweellihiwa otthanu ni opiilli.