Masalimo 9:12 - Mawu a Mulluku

¹² Vawi oohokollosella nikhame, annawuupuwella oohoosiwa, khanatiwalla winlla wiwa.

Masalimo 9:12 ပူးပေါင်းရင်းမြစ်များ

Eksodo 3:7

Vano Apwiya yaallota wi, “Kohoona ohoosiwa wa athwaaka o Iguputo. Kohiiwa okhuwa wi ekaviheriwe, ekaamba ya uullupalli a thangata ayo enaahoosa. Kinnadduwella phaama ddoovoreya ddiwa.

Masalimo 34:6

Muthu oohoowoolla ahinlla, Apwiya yaamwiiwa, emuvullusa mu ddookatamiha ddaye ddittheddene.

Yawuupullulla 16:6

Yaawiipha athu a Mulluku ni anamallotella nave sika mohaavaha nikhame wi ewirye. Enaakhella nnddo ddinaaphwanella!”

Genesis 9:5

Arive muthu oomwiipha muthu, aneerewiiphiwa. Erive enama yoomwiipha muthu, eneerewiiphiwa. Arive muthu oomwiipha mukhwaaye, nayeenettho iiphiwe.

Yesaya 26:21

Apwiya enimawa ovenyera nko enakhalliiwa wi yaallake athu a va ellapo yavatthi ekaamba ya machimwiiwa. Nikhame nawiithelliwa va ellapo yavatthi neneerewooneya vaweella nave mitembo dda athu awiiphiwa kheddiipitthiheya.

Masalimo 22:24

Vawi kheyaamuvevullalle muthu oohoosiwa, kheyaananariwalle ni ohoosiwa waye. Khemwiipitthihelle ekhoviiwa, koma yaamwiiwa inlleeye.”

Oweeruza 10:16

Sika yaavenyihavo milluku ddeelletonndde yaamba waarumeyella Apwiya nave Apwiya yaamoriwa ethakaraka voowonani Aisraele ehoowaka.

Masalimo 102:17

Eneeropwatha nivekello na athwiiwa ootathilliwa, khevevulla ovekella wiwa.

Masalimo 10:17

Apwiya, munniiwa nnddo oohoosiwa enavekiiwa, munnaallipiha mwiilli, munnawaapella maaru.

Masalimo 10:14

Komathi nyuwaano munnamoona, munnadduwella ddookatamiha ni ddoohoosa nave munneeravo ello. Oopaalla okaviheriwa enniivelleella wa nyuwaano, alliwattho akhwaadduni munnaakavihera.

2 Mamwene 24:4

navettho ekaamba ya nikhame na athu oohichimwa ayo awiiphalleeye. Olliye aaddalliha Yerusalemu ni nikhame na athu oohichimwa nave Apwiya kheyaamukhululukelle.

Eksodo 3:9

Miyaano kohiiwa okhuwa wa Aisraele nave kohoonesesa ddoohoosa nnddo Aiguputo enaweerelliiwa.

Mateyu 23:35

Voothwarellellani, ollakiwa wa ayo yawiiphalle athu oolungama onaakhalle vamuruni va nyuwaano ovenyera va wiiphiwa wa Abele oolungama ophiyera va wiiphiwa wa Zakariya mwaana a Barakiya, oyo mwaamwiiphalleenyu variyari va nipuro naweella ni nikuwa na mukutho mu enyumba ya Mulluku.

Masalimo 68:17

Apwiya yaaphiya onipuroni niwa naweella ovenyera o Sinai, yaakhalla ni magareta manchichi amasiva.

Masalimo 74:2

Wuupuwelleni athwaanyu ayo mwaapatulalleenyu ovenyera khalle, mutundu oyo mwawooponlleenyu wi okhalle yoohallanaanyu. Upuwellani mwaango wa Ziyoni nko mwakhanllekeenyuwo.

Masalimo 76:3

Wenko ahiinttakawo miira, ddawiitetezella, masupada ni ezida ddakhoto ddittheddene dda adanaaye.

Masalimo 132:13

Apwiya aamutthoolla Ziyoni, enapaallesesa wi akhalle nipuro niwa nookhallamo.

Yesaya 8:18

Ngoonani, kiri mva vamodda ni anamwani kavahiweemi ni Mulluku. Niri echizindikiro ni ddoodduwelliha wa Aisraele ddoovenyera wa Apwiya Amasiva Mattheene ayo enakhalla va mwaango wa Ziyoni.